Tags-Dil

dil kā ā.īna rū-ba-rū laa.e
is liye un ko ḳhud-nigar dekhā

aaj bhī ġham kī salāmī ke liye
dil kā ābād nagar baaqī hai

likhī huī hai jo dil kī zabāñ meñ dhaḌkan par
maiñ is kitāb ko tahrīr karne vaalā kaun

kyā batā.ūñ dil meñ kis kī yaad kā
ek kāñTā chubh rahā hai mustaqil

ishq ke ik TimTimāte diip ne
dil ko raushan kar rakhā hai mustaqil

ek mausam kī kasak hai dil meñ dafn
mīThā mīThā dard sā hai mustaqil

zehn o dil kī vādī-e-pur-amn meñ
gūñjtī kis kī sadā hai mustaqil

vo jo raat mujh ko baḌe adab se salām kar ke chalā gayā
use kyā ḳhabar mire dil meñ bhī kabhī ārzū-e-gunāh thī

khiḌkiyāñ huiiñ ḳhālī phūloñ aur charāġhoñ se
kaisā dil taḌaptā hai shahr se guzarne meñ

vo dil kā TūTnā to koī vāqi.a na thā
ab TuuTe dil kī kirchiyoñ kī dhaar se bacho

ye samajh liije kisī shā.er ke dil kā TūTnā
TuuT jaanā hai tilism-e-ālam-e-ījād kā

dil ko māyūs kar diyā hai
begāna mizāj-āshnā ne

ḳhush paate haiñ mujh ko dost 'vahshat'
dil kā ahvāl kaun jaane

tū hī to ik sadaf-e-dil kī aabrū hai magar
ye aab kitne dinoñ tak guhar sambhālegā

kar pahle mujh ko zindagī-e-jāvedāñ atā
phir zauq o shauq dekh dil-e-be-qarār kā

vo ek bhañvar sunte haiñ dilkash hai ġhazab kā
haiñ kitne safīne jo vahāñ Duub chuke haiñ

gahe daaġh rahtā hai dil gā jigar ḳhuuñ
un āñkhoñ se kyā kyā sitam dekhte haiñ

'lais' maiñ rakhtā huuñ pahlū meñ dil-e-dard-āshnā
bhuul kar bhī maiñ kisī kā dil dukhā saktā nahīñ

chashm-e-giryāñ kī ābyārī se
dil ke dāġhoñ pe phir bahār aa.ī

āñkhoñ meñ manzaroñ ko jab ābād kar liyā
dil ne kiyā ye tanz ki vīrān maiñ bhī huuñ