Tags-Dil

kis kis ko duuñ maiñ saḳht musībat meñ jaan hai
ruḳhsār-o-zulf māñgte haiñ dil alag alag

ham apne-āp pe bhī zāhir kabhī dil kā haal nahīñ karte
chup rahte haiñ dukh sahte haiñ koī rañj-o-malāl nahīñ karte

vo din bhī kyā the dil meñ tamannā na thī koī
takmīl-e-ārzū ke liye dar-ba-dar na the

be-nūr haiñ chehre yahāñ māyūs hai har dil
ummīd kī kirnoñ ke ḳhazāne nahīñ utre

vaqt koshish kare maiñ chāhūñ magar yaad tirī
dhundlī ho saktī hai dil se nahīñ miTne vaalī

gudāz-e-dil se milā sozish-e-jigar se milā
jo qahqahoñ meñ gañvāyā thā chashm-e-tar se milā

ta.alluqāt ke ai dil hazār pahlū haiñ
na jaane mujh se vo kis nuqta-e-nazar se milā

koī bhī mausam ho dil kī aag kam hotī nahīñ
muft kā ilzām rakh dete barsātoñ pe ham

vo duur haiñ to dil ko hai ik iztirāb sā
vo ā.eñge to aap meñ aayā na jā.egā

kuchh aise ġham bhī haiñ jin se abhī tak
dil-e-ġham-āshnā nā-āshnā hai

ai dil-e-be-qarār muddat se
ham tirī vahshatoñ ke qaa.il haiñ

kyā batlā.ūñ kaun sā thā bāzār 'ḳhalish'
jis meñ mere dil kā jhumkā TuuT gayā

ka.ī āñkhoñ ke dīpak muntazir haiñ dil kī rāhoñ meñ
mirī āvārgī lāzim hai merā ab to ghar jaanā

dard-e-dil lā-davā nahīñ hotā
haañ magar hausla nahīñ hotā

vo ḳhvāb thā ki ji.eñ dil kī aarzū ke liye
ye vāqi.a hai ki marne kā hausla na rahā

dil se tumhārā naam miTāne kī der thī
phir is ke ba.ad peḌ parinde gale paḌe

rag-e-jāñ meñ jamne lagā lahū use mushk banñe kī aarzū
hai udaas dasht-e-tatār-e-dil use phir shalañg-e-ġhazāl de

tamām umr na milne kā hausla hī sahī
tum apne dil meñ koī aarzū to rakhte ho

ai dil-e-zār udhar chal ye tazabzub kyā hai
vo to āñkhoñ pe uThā lete haiñ mehmānoñ ko

gar jazba-e-vahshat kā ai dil yahī unvāñ hai
do roz kā dāman hai do din kā garebāñ hai