Tags-Dil

zaḳhm khā kar muskurāte hī rahe
dil kī ye ḳhāmoshiyāñ baḌhtī ga.iiñ

tire vāste jaan pe kheleñge ham ye samā.ī hai dil meñ ḳhudā kī qasam
rah-e-ishq se ab na haTeñge qadam hameñ apne hī sidq-o-safā kī qasam

lab-e-gor agarche judā.ī meñ huuñ magar ā.ina-e-dil kī safā.ī meñ huuñ
tirā mahv ḳhudā kī ḳhudā.ī meñ huuñ mujhe apne hī ishq-o-vafā kī qasam

kahā lailā ne hai mujhe qais kā ġham mire dil ko hai us ke junūñ kā alam
nahīñ chain judā.ī meñ ab koī dam use vahshī-e-be-sar-o-pā kī qasam

ḳhuuñ huā dil ki pashemān-e-sadāqat hai vafā
ḳhush huā jī ki chalo aaj tumhāre hue log

apnī bechārgī kī yuuñ to hai ehsās bahut
phir bhī dil tujh se vahī ahd-e-vafā māñge hai

yuuñ to khā jā.egī zulmāt-e-dil-o-jāñ sab ko
band kamroñ meñ kahīñ se to ziyā aane de

garm rātoñ meñ ḳhunuk zau kī paḌe dil pe phuvār
surḳh hāthoñ kī koī sham-e-hinā aane de

bastī bastī parbat parbat vahshat kī hai dhuup 'ziyā'
chāroñ jānib vīrānī hai dil kā ik vīrāna kyā

dil but-kada rahā to tū pahlū-nashīn thā
ka.aba banā tū terī jagah pe ḳhudā hai aaj

koī us se nahīñ kahtā ki ye kyā bevafā.ī hai
churā kar dil mirā ab aañkh bhī apnī churā.ī hai

nashāt-e-dil ko dushman ke banā.eñge usī se ham
vo kahte haiñ tirī āh-e-rasā terā havā.ī hai

dil-e-āshiq meñ ho ai 'mashriqī' gar jazb-e-dil kāmil
vo but phir kyuuñ na maa.il ho koī ghar kī ḳhudā.ī hai

dil meñ uThtī hai masarrat kī lahar holī meñ
mastiyāñ jhūmtī haiñ shām-o-sahar holī meñ

shā.irī kyā hai mujhe bhī nahīñ mālūm magar
log kahte haiñ ki ye dil kī lagī hai koī chiiz

hairatī ho ke uThā.e hue dil phirte haiñ
is ke lag jaane kā anjām tumheñ kyā ma.alūm

kahte ho na deñge ham dil agar paḌā paayā
dil kahāñ ki gum kiije ham ne mudda.ā paayā

dost-dār-e-dushman hai e'timād-e-dil ma.alūm
aah be-asar dekhī naala nā-rasā paayā

ġhuncha phir lagā khilne aaj ham ne apnā dil
ḳhuuñ kiyā huā dekhā gum kiyā huā paayā

hāl-e-dil nahīñ ma.alūm lekin is qadar ya.anī
ham ne bār-hā DhūñDā tum ne bār-hā paayā