Tags-Dil

chal ai ham-dam zarā sāz-e-tarab kī chheḌ bhī sun leñ
agar dil baiTh jā.egā to uTh ā.eñge mahfil se

ham kabhī ishq ko vahshat nahīñ banñe dete
dil kī tahzīb ko tohmat nahīñ banñe dete

kisī tarah to ghaTe dil kī be-qarārī bhī
chalo vo chashm nahīñ kam se kam sharāb to ho

hāl-e-dil jab sunānā chāhā to
us ne hañs ke kahā pata hai mujhe

qarār dil ko sadā jis ke naam se aayā
vo aayā bhī to kisī aur kaam se aayā

aañkh meñ aañsū kā aur dil meñ lahū kā kaal hai
hai tamannā kā vahī jo zindagī kā haal hai

be-ḳhabar phuul ko bhī khīñch ke patthar pe na maar
ki dil-e-sañg meñ ḳhvābīda sanam hotā hai

kitnī sub.heñ yaas kī zulmat meñ āḳhir bujh ga.iiñ
sham-e-dil jaltī rahī jaltī rahī jaltī rahī

mohabbat meñ sukūñ mahrūmiyoñ ke ba.ad aatā hai
ki jab har aasrā miT jaa.e tab dil chain paatā hai

ḳhud apnā hī lahū āvāz ko rañgīñ banātā hai
kuchal jaatā hai jab dil tab kahīñ naġhma sunātā hai

ye kyā zid hai ki duniyā bhī rakho aur jī na mailā ho
ye duniyā ḳhush hī tab hotī hai jab dil TuuT jaatā hai

karam kaisā yahāñ to narm lahje se bhī dahshat hai
tabī.at ḳhush to ho jaatī hai par dil thartharātā hai

apne ā.īne meñ ḳhud apnī hī sūrat huī masḳh
magar is TuuTe hue dil kā mudāvā bhī nahīñ

phuul ban kar jo mahaktā thā kabhī dil ke qarīb
ḳhaar ban kar kabhī pahlū meñ khaTaktā bhī nahīñ

un āñkhoñ meñ nahīñ nashtar ḳhud apne dil meñ pinhāñ hai
ab itnī baat to kuchh ham bhī ai hamdam samajhte haiñ

ham ahl-e-dil ne me.ayār-e-mohabbat bhī badal Daale
jo ġham har fard kā ġham hai usī ko ġham samajhte haiñ

mujh se merā hī tazkira kar ke
dil meñ kāñTe chubho rahe ho tum

āġhāz-e-mohabbat meñ barsoñ yuuñ zabt se ham ne kaam liyā
jab huuk kaleje meñ uTThī to hāthoñ se dil thaam liyā

sahrā meñ ThanDe vaqt hameñ yaad aa.ī jo us kī jalvagarī
kuchh aisī huī vahshat dil ko dam jā ke zer-e-bām liyā

luuTā terī donoñ āñkhoñ ne paayā jo mire dil ko tanhā
jo ek ne sabr shakeb liyā to ek ne chain ārām liyā