Tags-Dil

dil-e-sīmāb-sifat phir tujhe zahmat dūñgā
dūr-uftāda zamīnoñ kī masāfat dūñgā

agar yuuñ hī ye dil satātā rahegā
to ik din mirā jī hī jaatā rahegā

maiñ jaatā huuñ dil ko tire paas chhoḌe
mirī yaad tujh ko dilātā rahegā

galī se tirī dil ko le to chalā huuñ
maiñ pahuñchūñgā jab tak ye aatā rahegā

yak-gūna be-ḳhudī ko hī ab DhūñDhtā hai dil
ġham aur ḳhushī kā bojh barābar hai kyā karūñ

shab-e-furqat meñ jab najm-e-sahar bhī Duub jaate haiñ
utartā hai mire dil meñ ḳhudā āhista āhista

maiñ shahr-e-dil se niklā huuñ sab āvāzoñ ko dafnā kar
'nadīm' ab kaun detā hai sadā āhista āhista

bojh dil par hai nadāmat kā to aisā kar lo
mere siine se kisī aur bahāne lag jaao

rachā huā hai tirī kam nīgāhiyoñ kā karam
nashe kī tarah mire dil meñ sarḳhushī ban kar

dil ke shīshe pe hai ġhubār bahut
aaj kuchh der ro liyā jaa.e

ajnabī shahr be-namak chehre
kise ham-rāz-e-dil kiyā jaa.e

dil hai vīrān shahr bhī ḳhāmosh
phone hī us ko kar liyā jaa.e

vatan kī sar-zamīñ se ishq o ulfat ham bhī rakhte haiñ
khaTaktī jo rahe dil meñ vo hasrat ham bhī rakhte haiñ

huā hai jab se dil-e-nā-subūr be-qābū
kalām tujh se nazar ko baḌe adab se hai

kisī ne kahā thā ki Dhaltā huā din
udāsī tire dil meñ boyā karegā

na dushvār ho us kā 'jīnā' ḳhudāyā
vagarna ye dil merā royā karegā

hai agar vo bahut hī dil nazdīk
us se duurī kā silsila māñgo

idhar mirā dil taḌap rahā hai tirī javānī kī justujū meñ
udhar mire dil kī aarzū meñ machal rahā hai shabāb terā

jaḌeñ pahāḌoñ kī TuuT jātīñ falak to kyā arsh kaañp uThtā
agar maiñ dil par na rok letā tamām zor-e-shabāb terā

vahshat-e-dil ne hijābāt-e-jahāñ chaak kiye
ek parda ruḳh-e-jānāñ se uThāyā na gayā