Tags-Dil

suno sar-phiro mire hāsīdo mirī zindagī kā hai raaz kyā
mirā sar kahīñ bhī jhuke to kyuuñ mirā dil kisī kā ġhulām hai

Thahar gayā hai mire dil meñ ik zamāne se
vo vaqt jis kī sahar bhī nahīñ hai shab bhī nahīñ

ab nahīñ hai taab dil se milne kī
kyā pata vo kaisī hālat meñ mile

kahūñ kyā iztirāb-e-dil zabāñ se
rahe jaate haiñ sab pahlū bayāñ se

dost ne dil ko toḌ ke naqsh-e-vafā miTā diyā
samjhe the ham jise ḳhalīl ka.aba usī ne Dhā diyā

ashk bhar aa.e jo duniyā ne sitam dil pe kiye
apnī luTtī huī jāgīr pe ronā aayā

ḳhūn-e-dil se jo likhā thā vo miTā ashkoñ se
apne hī naame kī tahrīr pe ronā aayā

hadīs-e-dil ba-zabān-e-nazar bhī kah na sakā
huzūr-e-husn baḌhī aur bebasī merī

ishq meñ hasrat-e-dil kā to nikalnā kaisā
dam nikalne meñ bhī kam-baḳht mazā hotā hai

hāl-e-dil un se na kahtā thā hamīñ chuuk ga.e
ab koī baat banā.eñ bhī to kyā hotā hai

har sadā par lage haiñ kaan yahāñ
dil sambhāle raho zabāñ kī tarah

kabhī jo bā.is-e-rāhat thā ahl-e-dil ke liye
ye kyā huā ki vo manzar bhī ab azaab huā

har ghaḌī jalva-e-jānāna ḳhudā ḳhair kare
terā dil hai ki sanam-ḳhāna ḳhudā ḳhair kare

dil kī baat un se abhī kah to ga.e ho lekin
koī ban jaa.e na afsāna ḳhudā ḳhair kare

mujhe to mohabbat se inkār hogā
magar dil ye raste kī dīvār hogā

tū ḳhud saath merā na de paayā ai dil
zamāna kahāñ tak vafādār hogā

giraftār zulfoñ meñ tum jo karo to
gunahgār dil merā sau baar hogā

basā huā hai mire dil meñ bū-e-gul kī tarah
vo duur duur hai mujh se magar judā bhī nahīñ

jin rāhoñ se apne dil kā har qissa mansūb rahā hai
ab to ye bhī yaad nahīñ hai un rāhoñ kā qissa kyā thā

ishq hai jī kā ziyāñ ishq meñ rakkhā kyā hai
dil-e-barbād batā terī tamannā kyā hai