Tags-Dil

ek chehra hai aañkh meñ har-dam
dil se pūchheñ mo.āmla kyā hai

tirī yaad ho aur dil-e-bedam ho tirā dard ho aur dil-e-bedam ho
'bedam' ko rahe tire ġham se ġharaz tire ġham ko rahe 'bedam' se ġharaz

'vasīm' kaisī ta.alluq kī raah thī jis meñ
vahī mile jo bahut dil dukhāne vaale the

phir na.e sar se ye jī meñ hai ki dil ko DhūñDiye
ḳhaak kūche kī tire muddat huī chhāne hue

aql-o-hosh apne kā 'rañgīñ' ho gayā sab aur rañg
kishvar-e-dil meñ jab aa kar ishq ke thāne hue

ek mub.ham ḳhvāb thā āñkhoñ meñ aur dil meñ junūñ
zehn meñ lekin imārat kā koī naqsha na thā

ġhusse meñ raqīb aatā hai jab bhuut sā ban kar
paḌhtā huuñ maiñ jab dil meñ khaḌā na.at-e-alī chup

nikal aa.e dil-e-vīrāñ kī jānib
koī qismat kā maarā bhī nahīñ hai

us sañg-e-dil ke paas kahāñ the vafā ke phuul
'anvar-sadīd' jis ko sadā pūjtā rahā

uTThe vo dūd-e-dil ki falak ho gayā siyāh
gul ho ga.e charāġh mah-o-āftāb ke

ḳhālī kahāñ falak sitam-e-rozgār se
rakhtā hai dil pe daaġh mah-o-āftāb ke

yahī charāġh hai sab kuchh ki dil kaheñ jis ko
agar ye bujh gayā to aadmī bhī parchhā.īñ

kuchh din meñ dil kā kho jaanā bilkul mumkin hai
kahtā hai ham baḌe hue ab duniyā dekheñge

ġham ke hāthoñ mire dil par jo samāñ guzrā hai
hādisa aisā zamāne meñ kahāñ guzrā hai

hāl-e-dil ġham se ye hai jaise kisī sahrā meñ
abhī ik qāfila-e-nauha-garāñ guzrā hai

nigrānī-e-dil-o-dīda huī hai dushvār
koī jab se mirī jānib nigarāñ guzrā hai

hāl-e-dil sun ke vo āzurda haiñ shāyad un ko
is hikāyat pe shikāyat kā gumāñ guzrā hai

apnī rūdād mujh ko yaad nahīñ
dil ko lekin tamām azbar hai

fareb de na kahīñ azm-e-mustaqil merā
hujūm-e-yās se ghabrā na jaa.e dil merā

ye kis maqām pe pahuñchā diyā mohabbat ne
ki mere bas meñ nahīñ hai ḳhud aaj dil merā