Tags-Dil

mirī āñkhoñ se zāhir ḳhūñ-fishānī ab bhī hotī hai
nigāhoñ se bayāñ dil kī kahānī ab bhī hotī hai

chāñd ojhal ho gayā har ik sitārā bujh gayā
āñdhiyāñ aisī chalīñ phir dil hamārā bujh gayā

tum ḳhuub uḌāte raho ḳhāka mire dil kā
paidā nahīñ dushman koī tum sā mire dil kā

phirtī hai nazar meñ kisī gesū kī darāzī
baḌhtā hī chalā jā.egā saudā mire dil kā

ulTī hai na ulTeñge naqāb-e-ruḳh-e-raushan
maanā hai na māneñge vo kahnā mire dil kā

'mā.il' tire ash.ār sunūñ bazm meñ kyūñ-kar
ye raaz kiye dete haiñ ifshā mere dil kā

tabāh ho ke bhī rahtā hai dil ko dhaḌkā sā
ki rā.egāñ na chalī jaa.e rā.egānī mirī

mashriq kā diyā gul hotā hai maġhrib pe siyāhī chhātī hai
har dil san sā ho jaatā hai har saañs kī lau tharrātī hai

tahzīb jahāñ tharrātī hai tārīḳh-e-bashar sharmātī hai
maut apne kaTe par ḳhud jaise dil hī dil meñ pachhtātī hai

ik jism-e-nahīf-o-zār magar ik azm-e-javān-o-mustahkam
chashm-e-bīnā ma.asūm kā dil ḳhurshīd nafas zauq-e-shabnam

aa.ina dil kā jo dikhlā.ūñ unheñ
jā-e-hairat ho ajab rūdād ho

gumbad-e-gardūñ par ai dil aah se
kuchh na kuchh aafat paḌe uftād ho

zāhir-o-bātin meñ ai dil farq ho
but baġhal meñ ho ḳhudā kī yaad ho

dil jo sūrat-gar-e-ma.anī kā sanam-ḳhāna bane
aañkh jis shai pa paḌe jalva-e-jānāna bane

pahle to aisī na thī ThanDī havā
ho ga.ī kyuuñ dil-jalī ThanDī havā

hai dil-e-nākām se achchhī nahīñ
chheḌ-ḳhāni bhī tirī ThanDī havā

zaḳhm-e-dil jis se huā kuchh mundamil
kūcha-e-jānāñ kī thī ThanDī havā

dekh lete ham bhī terā kuchh kamāl
khiltī gar dil kī kalī ThanDī havā

ik pareshāñ dil kā kah degī salām
milnā un se gar kabhī ThanDī havā

tumhāre naam se jānāñ mirā ye dil dhaḌaktā hai
ab aao haath rakh do varna dhaḌkā maar Dālegā