Tags-Dil

jo ḳhalish dil meñ thī nihāñ pahle
rag-o-pai meñ utar ga.ī āḳhir

soz-e-dil ke tufail ai 'manshā'
shā.irī bhī nikhar ga.ī āḳhir

yaad aa ke tirī hijr meñ samjhā.egī kis ko
dil hī nahīñ siine meñ to bahlā.egī kis ko

dam khiñchtā hai kyuuñ aaj ye rag rag se hamārā
kyā jaane idhar dil kī kashish lā.egī kis ko

jab maar hī Daalā hameñ be-tābi-e-dil ne
karvaT shab-e-furqat meñ badalvā.egī kis ko

achchhā rahe tasvīr kisī kī mire dil par
kam-baḳht na Thahregā to Thahrā.egī kis ko

kuchh baiTh gayā dil hī yahāñ baiTh ke apnā
ġhairat tirī mahfil se ab uThvā.egī kis ko

kyuuñ leñge 'jalāl' aa ke mire dil meñ vo chuTkī
jhapkegī palak kaahe ko niiñd aa.egī kis ko

sher kyā hai aah hai yā vaah hai
jis se har dil kī ubhar aatī hai choT

dil ke baaje meñ nahīñ ma.alūm kitne taar haiñ
husn ko ik taar kā mahram banā saktā huuñ maiñ

kaam logoñ ke dil ko bhā jaa.e
dil agar kaam meñ lagā.eñ sab

tujhe sañg-dil ye pata hai kyā ki dukhe diloñ kī sadā hai kyā
kabhī choT tū ne bhī khaa.ī hai kabhī terā dil bhī dukhā hai kyā

dil kī dhaḌkanoñ par hai inhisār-e-afsāna
ek sī nahīñ hotīñ naujavāniyāñ saarī

us ke jaanib-daar hai.n saare miraa ko.ii nahii.n
al-madad ai dil sar-e-pindaar KHam hone ko hai

zehn kahtaa hai ziyaada vaqt legaa kaar-e-ishq
dil to kahtaa hai ajii bas ek dam hone ko hai

dil-e-ma.ashūq patthar hai to hove
maiñ is ko paanī paanī kar rahā huuñ

aah qāsid tū ab talak na phirā
dil dhaḌaktā hai kyā huā hogā

tū hī āñkhoñ meñ tū hī hai dil meñ
kaun yaañ aur tujh sivā hogā

ai miyāñ gul to khil chuke pa kabhū
ġhuncha-e-dil mirā bhī vā hogā

hai yaqīñ mujh ko tujh sitamgar se
dil kisī kā agar lagā hogā