Tags-Aangan

kamre vīrāñ āñgan ḳhālī phir ye kaisī āvāzeñ
shāyad mere dil kī dhaḌkan chunī hai in dīvāroñ meñ

saare ghar meñ shaam Dhale tak khel vo dhuup aur chhāñv kā
lappe patte kachche āñgan meñ loT lagātī do-pahreñ

jab bhī guzre mire āñgan se vafā kā mausam
terī chāhat kā nayā phuul khilā detā hai

us ke āñgan meñ khultā thā shahr-e-murād kā darvāza
kueñ ke paas se ḳhālī gāgar haath meñ le kar palTī maiñ

āñgan āñgan ḳhāna-ḳharābī hañstī hai me.amāroñ par
patthar kī chhat Dhaal rahe haiñ shīshe kī dīvāroñ par

shaam hote hī jo dahlīz pe aahaT sī huī
mere āñgan se ka.ī ḳhvāb suhāne nikle

dikhā.ī detī haiñ lāsheñ hī lāsheñ āñgan meñ
kahāñ se ḳhud-kushī kar ke ye dhuup aatī hai

jhulas ke rah ga.e āñgan meñ dhuup se paude
ki sāya-dār purānā shajar na thā koī

tere āñgan ke pichhvāḌe
sabz daraḳhtoñ kā ramnā thā

āñgan kī dīvār kā saaya
chādar ban kar phail gayā thā

us kā lawn bahāroñ se ābād rahā
suukh gayā jo peḌ mire āñgan kā thā

merī ruuh meñ kitne zaḳhm khil ga.e dekho
koī dil ke āñgan meñ dard bo gayā hogā

raat bhar suunī rahī birhan kī sej
aur āñgan meñ diyā jaltā rahā

'nūr' mire āñgan meñ phir vo raat ga.e
paa.el kī jhankār uThā.e phirte haiñ

jaane kis kirdār kī kaa.ī mere ghar meñ aa pahuñchī
ab to 'zafar' chalnā hai mushkil āñgan kī chiknā.ī meñ

havā bhī pūchhne aatī nahīñ ab
vo ḳhushbū kyā ga.ī āñgan se mere

achchhī nahīñ hai shahr ke rastoñ se dostī
āñgan meñ phail jaa.e na bāzār dekhnā

har āñgan meñ diye jalānā har āñgan meñ phuul khilānā
is bastī meñ sab kuchh karnā ham se mohabbat mat karnā

aaj sitāre āñgan meñ haiñ un ko ruḳhsat mat karnā
shaam se maiñ bhī uljhan meñ huuñ tum bhī ġhaflat mat karnā

naach sako to nācho jab thak jaao to ārām karo
TeḌhā kyuuñ ghar kā āñgan hai jiite jaao socho mat