Tags-Aankh

use dukh ke saath byāhā gayā
ki jab aañkh khulī to sar par sūraj jaltī naañd meñ dhuul

namī jagah banā rahī hai aañkh meñ
ye tiir ab kamān se nikāliye

dekhte kyā husn kī nairañgiyāñ
aañkh jhapkāne kī bhī fursat na thī

raqs kare aur aañkh meñ paanī bhar aa.e
har laḌkī thoḌī dīvānī hotī hai

ḳhud se jab bhī aañkh milānī hotī hai
aañkh to jaise paanī paanī hotī hai

kisī kā ḳhūn-e-dil khiñch kar Tapak jaatā hai āñkhoñ se
kisī kī aañkh meñ khiñch kar mai-e-gulfām aatī hai

laboñ pe hai jo tabassum to aañkh pur-nam hai
shu.ūr-e-ġham kā ye aalam ajiib aalam hai

hai to ḳhurshīd-e-haqīqat par baḌā be-mehr hai
dil se jazbe aañkh se aañsū churā le jā.egā

vo apnī aañkh kī uryāniyat chhupāne ko
hayā kī aañkh pe chādar pahan ke niklā hai

aañkh bhī parda hai takne nahīñ paatī sūraj
dil bhī dīvār hai milne nahīñ detā tujh se

ye husn kī nahīñ jādūgarī to phir kyā hai
ki terī aañkh meñ shoḳhī bhī hai hijāb bhī hai

mazāq kal jo uḌātī thī ġham ke māroñ kā
vo aañkh kyuuñ nazar aatī hai sogvār mujhe

kisī kī aañkh kā taarā huā karte the ham bhī to
achānak shaam kā taarā nazar aayā to yaad aayā

shahr-e-dil kā jo makīñ hai vo bichhaḌtā kab hai
jis qadar duur gayā aañkh se ojhal na huā

vaqt kī aañkh meñ sadiyoñ kī thakan hai, maiñ huuñ
dhuul hote hue rastoñ kā badan hai, maiñ huuñ

phir zarā sā hosh aayā
daur-e-nau-umrī gayā to aañkh se parda haTā

kyuuñ sar jhukā rahā hai zarā aañkh to milā
degī mire savāl kā terī nazar javāb

koī kaise miltā hai phuul kaise khiltā hai aañkh kaise jhuktī hai saañs kaise ruktī hai
kaise rah nikaltī hai kaise baat chaltī hai shauq kī zabāñ kyā hai tum na jaan pāoge

aañkh se haTte nahīñ guzrī huī duniyā ke rañg
ham ne in lamhoñ ko hai zanjīr pahnā.ī huī

apnī gahrā.ī kī jānib jhuk rahā hai āsmāñ
DhūñDne niklī hai ḳhud ko aañkh ghabrā.ī huī