Tags-Aankh

sabzī maa.il hai aañkh kā adsa
aur us par koī adad bhī nahīñ

ga.ī nahīñ tire zulm-o-sitam kī ḳhū ab tak
Tapak rahā hai mirī aañkh se lahū ab tak

mujh ko le jā ke mirī aañkh vahāñ
ik tamāshā sā dikhā laa.ī hai

ġhair ko tū ne ishārat kī churā kar ham se aañkh
ham bhī ik ayyār haiñ pyāre ga.e fil-faur taaḌ

na uchhāl jhiil meñ kañkarī ki ye ḳhaufnāk sā khel hai
isī khel meñ na utar paḌe tirī aañkh par ye vabāl bhī

yad-e-baizā kī tū hai mālkin ai safed sañg kī mūrtī
tirī aañkh dariyā-e-nīl hai mirī raat koī nikāl bhī

ai mukartī aañkh adāvateñ tū qayām bhī haiñ sabāt bhī
tire saath dushmanī ik taraf nahīñ dostī kī majāl bhī

aañkh meñ partav-e-mahtāb salāmat rah jaa.e
koī sūrat ho ki ik ḳhvāb salāmat rah jaa.e

is liye chīn-e-jabīñ mauj rahe hai har dam
ai hubāb-e-lab-e-jū aañkh churānā kyā thā

hijr meñ tere jo nikle haiñ mirī aañkh se ashk
gir paḌe jab ye zamīñ par to sitāre hue haiñ

jaltī āñkhoñ jvālā phūTe ḳhushbū ghul kar rañg bane
dukh ke lākhoñ chehre haiñ kis kis se aañkh milāoge

shukriya shoḳhī-e-husn-e-pas-e-parda kā 'sirāj'
aañkh be-dekhe gunāh-gār huī jaatī hai

aañkh chaḌhte hue dariyā kī tarah hai pur-āb
paañv phisle hai to phir saañs kā rishta na rahe

aañkh banñe meñ bahut din lag ga.e
dekhiye kab aañkh andar nam bane

niiñd laatā huā phir aañkh ko dukh detā huā
tajrabe donoñ haiñ vābasta tire haat ke saath

khaa.ī thī koī ḳhvāb thoḌī thā
aañkh be-kār girne vaalī thī

mar ga.e lekin na dekhā tū ne ūdhar aañkh uThā
aah kyā kyā log zālim tere bīmāroñ meñ the

dekhā hī nahīñ aañkh ne jis shahr ko pahle
vo bhī mirī hairat meñ izāfa nahīñ kartā

aañkh se dekhūñgā jab maiñ hilte hoñToñ kī sadā
maiñ bhī bahrā ho gayā huuñ zor se chillā.ūñgā

shahr-e-nā-pursāñ ke manzar naqsh kar le zehn meñ
aañkh raste meñ koī manzar girā bhī aa.egī