Tags-Aankh

aañkh bujh jaa.e to ik jaise haiñ saare manzar
apnī bīnā.ī ke dam se haiñ ghaTā.eñ sūraj

kab talak apnī hī sāñsoñ kā chukātā rahūñ qarz
ai mirī aañkh koī ḳhvāb dhuāñ se aage

na dekh mujh ko mohabbat kī aañkh se ai dost
mirā vajūd mirā mudda.ā na ho jaa.e

ye hai ehtimām-e-hijāb kyuuñ ye hai band-o-bast-e-naqāb kyuuñ
tumheñ aañkh bhar ke maiñ dekh luuñ vo nazar nahīñ vo jigar nahīñ

lekin baḌe ġhazab kī tabhī baat ye huī
is shor aur sharābe se aañkh un kī khul ga.ī

ik masarrat mire atrāf ko anjānī de
nutq ko lab se uThā aañkh ko hairānī de

aur sipāhī aañkh churā kar
dūsrī jānib dekh rahe haiñ

dekhnā dekhte hue mujh ko
kis tarah aañkh meñ bharūñgā tumheñ

vo hue kyā aañkh se 'ārif' nihāñ
saarī duniyā meñ añdherā chhā gayā

mere is ik ashk kī qīmat mire hamdam na pūchh
aañkh se jo tere dāman tak machaltā jā.egā

to motiyoñ meñ na tulne kā rañj ḳhatm huā
kisī kī aañkh ke aañsū ḳharīd laa.e mujhe

is azhdahe kī aañkh pūchhtī rahī
kisī ko ḳhauf aa rahā hai yā nahīñ

aañkh vāloñ ne churā lī raushnī saarī to phir
ek andhe kī hathelī par diyā raushan huā

koī ḳhush ho gayā mujh se alag ho kar
kisī kī aañkh bhar aa.ī mire pīchhe

ye har shaḳhs kī lan-tarānī hai kaisī
ki har aañkh to chashm-e-mūsā nahīñ hai

kisī kalī ne bhī dekhā na aañkh bhar ke mujhe
guzar ga.ī jaras-e-gul udaas kar ke mujhe

tū ne to tark-e-mohabbat kī qasam khaa.ī thī
kyuuñ tirī aañkh mujhe dekh ke bhar aa.ī hai

aañkh se kuchh ho ishāra kuchh tabassum lab pe ho
'shād' karnā kuchh nahīñ mushkil dil-e-nāshād kā

na jaane nikle baḌe log haiñ kahāñ kī taraf
zamīñ kī baat hai aur aañkh āsmāñ kī taraf

tum ko sote meñ bhī kab aañkh uThā kar dekhā
ham ne ḳhvāboñ meñ bhī ā.ankhoñ kī nigah-dārī kī