Collections

Lab Shayari

Motivational Ghazals

Best Khamoshi Shayari

More Collections

Tags-Aankh

aañkh kī muñDeroñ par aarzū nahīñ larzī
ik charāġh kī lau se ik charāġh ojhal thā

raat ka har ek manzar ranjishon se bojhal tha

bhare hoñ aañkh meñ aañsū ḳhamīda gardan ho
to ḳhāmushī ko bhī iz.hār-e-mudda.ā kahiye

bhare hon aankh mein aansu KHamida gardan ho

tū jo aañsū na banā hotā agar
aañkh se merī na Tapkā hotā

zat ka meri jo chehra hota

aañkh meñ ḳhvāb munjamid haiñ
rañg barsāo hausloñ ke

rah rahe hain makin shabon ke

dil meñ chubhtī bhī rahī aañkh meñ khubtī bhī rahī
mizha-e-tez ki hiire kī kanī ho jaise

hijr ki raat meri jaan pe bani ho jaise

ḳhush-chashmī āhuoñ kī vo bhūle jahān meñ
dekhe jo aañkh nargis-e-shahlā-e-lucknow

allah ai buto hamein dikhlae lucknow

lab-o-ruḳhsār meñ hogī gul-o-mahtāb kī baat
aañkh meñ tazkira-e-bint-e-inab bhī hogā

shauq-e-warafta ko malhuz-e-adab bhi hoga

aap ne aañkh meñ jo ḳhvāb sajā rakkhe haiñ
un ko ta.abīr mirā dast-e-hinā.ī degā

chand ubhrega to phir hashr dikhai dega

aañkh khultī hai to sab ḳhvāb bikhar jaate haiñ
sochtā huuñ ki bichhā duuñ koī jaal aise meñ

koi aawaz na aahaT na KHayal aise mein

dekhnā-bhālnā gayā tire saath
aañkh muddat se sochtī hai faqat

guftugu tark-e-KHamushi hai faqat

ab is se baḌh ke bhalā aur kyā sitam hogā
zabān khul na sake aañkh dekhtī jaa.e

ye dastan-e-gham-e-dil kahan kahi jae

sab pūchho guzartī hai jo ham par vo na pūchho
dil rotā hai aur aañkh se aañsū nahīñ bahte

duniya ka na uqba ka koi gham nahin sahte

maiñ āsmān ke saath phailī shaam kī nāranjī raushnī huuñ
yā sūraj kī aañkh meñ reñgtī surḳh dhār?

mera ghussa kahan hai?

kisī kī aañkh se Tapkā thā ik amānat hai
mirī hathelī pe rakkhā huā ye añgārā

main pa saka na kabhi is KHalish se chhuTkara

pathrā ga.ī hai aañkh badan boltā nahīñ
jaane kis intizār ne aisā kiyā mujhe

hairat se dekhta hua chehra kiya mujhe

izn-e-jalva hai jhalak bhar ke liye
aañkh bhar kar dekhnā achchhā nahīñ

jaanib-e-dar dekhna achchha nahin

chamak rahā hai mirī zindagī kā har lamha
maiñ kyā karūñ ki mirī aañkh meñ ziyā hī nahīñ

tere labon pe agar surKHi-e-wafa hi nahin

kisī umiid ke phūloñ bhare shabistāñ se
jo aañkh mal ke uThā huuñ to vo huā hī nahīñ

tere labon pe agar surKHi-e-wafa hi nahin

terī yādoñ meñ bahā.e haiñ jo aañsū itne
aañkh bhī pūchh rahī hai ki bachāyā kyā hai

ai KHuda jism mein tu ne ye banaya kya hai

raat meñ chāñd se bāteñ karnā haule haule
aañkh ke raste dil meñ utarnā haule haule

raat mein chand se baaten karna haule haule