Tags-Aankh

kuchh abhī ranj-e-ārzū hai hameñ
aañkh meñ kuchh namī rahegī abhī

shab vahī hai jamāl-e-ḳhvāb vahī
aañkh apnī lagī rahegī abhī

dil meñ har ḳhuun kā qatra hai talātum ba-kanār
jo magar aañkh se Tapkā vahī tūfāñ na huā

vahī aañkh be-bahā hai jo ġham-e-jahāñ meñ Duube
vahī jaam jaam hai jo baġhair farq chhalke

garebāñ ke baTan sar kā dupaTTa aañkh kā parda
tumhārī artificial hayā meñ kuchh nahīñ rakkhā

aañkh se jaarī rahā ashkoñ kā bahnā kyūñkar
ġham ne Thukrāyā to phir zaḳhm purāne dekhe

phir aañkh kabhī khulne kī nahīñ niiñd aa.egī ik din aisī hameñ
honā hai yahī soche haiñ jo ham ye ḳhvāb-o-ḳhayāl-e-ḳhām nahīñ

us meñ ġham ke na ḳhushī ke aañsū
aañkh patthar kī banī ho jaise

khul jaa.e bharam zabt-e-mohabbat kā na un par
Dartā huuñ kahīñ aañkh meñ aañsū na bhar aa.e

fazā-e-ka.aba-e-at.har kā naqsha aañkh se dekhūñ
ilāhī is havā meñ ḳhushk ho dāmān-e-tar merā

aañkh jhapakne kī mohlat bhī kam miltī hai 'anjum'
faqr meñ koī tan-āsāñ do-gām nahīñ chal saktā

hotī hai shaam aañkh se aañsū ravāñ hue
ye vaqt qaidiyoñ kī rihā.ī kā vaqt hai

un kī mast aañkh mire dil meñ hai raqsāñ 'purnam'
ḳhuub paimāne meñ paimāna nazar aatā hai

manzil se be-niyāz chale jā rahe haiñ log
bhaTke huoñ kī aañkh ke patthar meñ kuchh nahīñ

hoñT masrūf-e-duā aañkh savālī kyuuñ hai
dil ke mānind mirā zehn bhī ḳhālī kyuuñ hai

merī taqdīr muāfiq na thī tadbīr ke saath
khul ga.ī aañkh nigahbāñ kī bhī zanjīr ke saath

haqā.eq se churā kar aañkh apnī
maiñ kin sāyoñ ke pīchhe bhāgtā huuñ

pyaas bhartī rahī mire andar
aañkh haTtī nahīñ thī jhīloñ se

kuchh paḌ gayā hai aañkh meñ ronā kahe hai tū
kyuuñ maiñ abas ko bahsūñ yahī dil-nashīñ sahī

ḳhvāb meñ raat ham ne kyā dekhā
aañkh khulte hī chāñd sā dekhā