Collections

Lab Shayari

Motivational Ghazals

Best Khamoshi Shayari

More Collections

Tags-Aankh

raat patthar meñ Dhalī chāñd bhī kaalā niklā
aise manzar ko bhī ab aañkh tamāshā jaane

kyun pareshan hua jata hai dil kya jaane

bujhte hue charāġh kī lau par hai inhisār
ho ashk bhī na aañkh meñ baaqī to kyā rahe

suraj tanab-e-sham ko thame khaDa rahe

zamāne bhar ke sitāre haiñ aañkh ke aage
bas ek naam hī kyuuñ harf-e-guftugū hai use

ajib shaKHs hai kaisi ye justuju hai use

hairat aur iztirāb ko ham-sar karūñgā maiñ
dekhūñgā tujh ko aañkh ko patthar karūñgā maiñ

hairat aur iztirab ko ham-sar karunga main

sivā.e yaar na dekhā kuchh aur aalam meñ
samā gayā vo mirī aañkh meñ nazar kī tarah

rawan dawan nahin yan ashk chashm-e-tar ki tarah

sunī sifat kisī ḳhush-chashm kī jo mardum se
ḳhayāl dauḌ gayā aañkh par nazar kī tarah

rawan dawan nahin yan ashk chashm-e-tar ki tarah

din meñ kirneñ āñkh-micholī kheltī haiñ
raat ga.e kuchh jugnū milne jaate haiñ

is ummid pe roz charagh jalate hain

hamārī aañkh se tum dekhte to khul jaatā
ki ā.īne meñ bhī is shakl kā javāb na thā

bani thi dil pe kuchh aisi ki iztirab na tha

phir us ke baad sabhī vus.ateñ hamārī haiñ
maiñ aañkh bantā huuñ 'jāved' aur tū baazū ban

nikal gulab ki muTThi se aur KHushbu ban

jo aañkh kī putlī meñ rahā nuur kī sūrat
vo shaḳhs mire ghar ke añdhere kā sabab hai

jo aankh ki putli mein raha nur ki surat

uf-re bād-e-josh-e-javānī aañkh na un kī uThtī thī
mastāna har ek adā thī har ishva mastāna thā

but bhi isMein rahte the dil yar ka bhi kashana tha

aañkh se aañkh laḌī chīn-e-jabīñ mahv huī
shauq-e-dīdār mirā jalvā-pashemāñ na huā

talib-e-ishq hai kya salik-e-uryan na hua

maiñ jis kī aañkh kā aañsū thā us ne qadr na kī
bikhar gayā huuñ to ab ret se uThā.e mujhe

agar yaqin nahin aata to aazmae mujhe

mire ehsās meñ bechain jis ke ḳhāl-o-ḳhad haiñ
use har aañkh meñ tasvīr karne jā rahā huuñ

ek aisi an-kahi tahrir karne ja raha hun

merī terī aañkh kī qismat kañkar miTTī
un kī aañkh kī zīnat ho to surma hogā

jaisa huzur kahenge bilkul waisa hoga

mirī aañkh pur-nam hai phir bhī maiñ ḳhush huuñ
mire paas ḳhvāboñ kī ma.asūm ThanDak

khanDar aur phul

koī us kī aañkh ko bhā.egā kyuuñ
jis ne dekhe hoñ nazāre aap ke

humse milte the sitare aap ke

merā ġhalat gila sahī zulm-o-jafā ravā sahī
nāz-e-sitam bajā sahī aañkh koī churā.e kyuuñ

hazrat-e-dil ye ishq hai dard se kasmasae kyun

ik ḳhūñ-chakāñ kafan meñ karoḌoñ banāo haiñ
paḌtī hai aañkh tere shahīdoñ pe huur kī

ek KHun-chakan kafan mein karoDon banao hain

ye ibtidā-e-shauq kī hālat na ho kahīñ
mahfil meñ us se aañkh churāne lagā huuñ maiñ

khoya hua sa rahta hun aksar main ishq mein