Tags-Etibaar

aur ab kis kā e'tibār kareñ
dil ko apnā banā ke dekh liyā

hañs ke bole ab tujhe zanjīr kī hājat nahīñ
un ko merī bebasī kā e'tibār aa hī gayā

baḳhsh de kuchh to e'tibār mujhe
pyaar se dekh chashm-e-yār mujhe

jo ham-safar haiñ hamāre vo pur-ḳhulūs nahīñ
na rāhbar pe rahā ham ko e'tibār kabhī

vajūd par inhisār maiñ ne nahīñ kiyā thā
ki ḳhaak kā e.atibār maiñ ne nahīñ kiyā thā

parda-e-e'tibār-e-ġhair pairahan-e-ḳhudī hai chaak
husn-e-azal hai jalva-rez sadma-e-dil-gudāz meñ

aap ne e'tibār hī na kiyā
meñ to kahtī rahī sarāb huuñ maiñ

ab kuchh is kā bhī e.atibār nahīñ
pahle dil par baḌā bharosā thā

mirī ḳhaak bhī lahad meñ na rahī 'amīr' baaqī
unheñ marne hī kā ab tak nahīñ e'tibār hotā

maiñ zabāñ se tum ko sachchā kaho laakh baar kah duuñ
ise kyā karūñ ki dil ko nahīñ e'tibār hotā

sachchā.iyoñ meñ lipTe hue jhuuT ke sabab
mushkil se e'tibār ke jañgal ko sar kiyā

sadā-e-sāz nahīñ ham-navā-e-ġham hī sahī
hameñ suno ki hameñ e'tibār-e-naġhma haiñ

har-chand e'tibār meñ dhoke bhī haiñ magar
ye to nahīñ kisī pe bharosā kiyā na jaa.e

ik-ādh shaḳhs aziyyat-pasand hai lekin
tumhārā hijr kare e'tibār kam-az-kam

kisī se qaul-o-qarār thā kyā ki va.adoñ kā e.atibār thā kyā
jahāñ koī surḳh joḌā dekhā to dil ko thāme Thahar ga.ī vo

maiñ e'tibār mohabbat kā terī kyā kartā
bayān terā to har roz hī badaltā rahā

hamesha va.ade kiye ab ke mil hī jā aa kar
hayāt-o-va.ada-o-duniyā kā e.atibār nahīñ

jo pārsā ho to kyuuñ imtihāñ se Darte ho
ham e'tibār kā mīzān le ke aa.e haiñ

e'tibār-e-shauq ik dhokā sahī
e'tibār-e-shauq par hai zindagī

kuchh e'tibār nahīñ ham-rahān-e-sahrā kā
ye duur shahr se tanhā bhī chhoḌ jaate haiñ