Tags-Etibaar

vahm the merī taraf se bad-gumānī thī unheñ
merī fitrat dekh ke ab e'tibār aa hī gayā

ye merā shahr mirī ḳhāmiyoñ se vāqif hai
yahāñ kisī ko na aa.egā e'tibār mirā

zaḳhm bharne lage dard tham sā gayā ik sahārā milā dil ko Dhāras bañdhī
us ke qaul-o-qasam meñ bhī ik baat thī jo bhī us ne kahā e'tibār aa gayā

jise alam bhī mohabbat meñ raas aa na sakā
kisī ḳhushī kā use e.atibār kyā hogā

nazar jo aayā us pe e.atibār kar liyā gayā
haqīqatoñ ke dark se farār kar liyā gayā

is tarah ḳhush huuñ kisī ke vāda-e-fardā pe maiñ
dar-haqīqat jaise mujh ko e'tibār aa hī gayā

jo ho sake to use mujh se duur hī rakhiye
vo shaḳhs mujh pe baḌā e'tibār kartā hai

ye kaisā tark-e-sukūnat kā e'tibār uThā
safar meñ rūh-e-safar hijratoñ ko rotī hai

hujūm-e-ġham meñ tabassum kā khel dekh liyā
maiñ kah rahā thā mire ġham kā e'tibār na kar

ḳhudā kare ki tujhe vo maqām bhī ho nasīb
jahāñ pahuñch ke tirā e.atibār meñ bhī karūñ

maiñ TuuT kar use chāhūñ ye iḳhtiyār bhī ho
sameT legā mujhe is kā e'tibār bhī ho

muāmalāt ġham-e-dostī salāmat-bāsh
vo e'tibār ki andesha-e-gumāñ bhī na thā

fareb khā ke bhī va.ade pe e'tibār kiyā
subūt phir bhī vafā kā vo māñgtā kyuuñ hai

pattiyāñ kab bikher deñ jhoñke
kis ko hai e'tibār gulshan meñ

yūñhī to maiñ 'zafar' is haal ko nahīñ pahuñchā
fareb de jo mujhe us pe e'tibār karūñ

mun.im na kar e.atibār-e-daulat
iqbāl kā qalb lā-baqā hai

har parī-vash kā e.atibār karo
zindagī sirf intizār karo

mere a.azā par e'tibār kar
maiñ hairatoñ kā inkār huuñ

hamāre tajarbe itne ziyāda Thiik nahīñ
so tujh se pyaar nahīñ e'tibār chāhte haiñ

vo kyā kisī kī nigāhoñ pe e'tibār kare
jise ḳhud apnī nigāhoñ pe e'tibār nahīñ