Collections

Lab Shayari

Motivational Ghazals

Best Khamoshi Shayari

More Collections

Tags-Etibaar

aap kā e'tibār kaun kare
roz kā intizār kaun kare

aap ka etibar kaun kare

kis e'tibār pe diije butāñ ko dil ki ba-zor
jo kuchh ki leñ haiñ kisī se ye daab rakhte haiñ

jahan ko wo lab-e-mai-gun KHarab rakhte hain

ye jo ik e.atibār hai tum par
kis qadar pā.edār-o-muhkam hai

ek sauda hai lazzat-e-gham hai

tujhe e'tibār-e-sahar bhī hai
tujhe intizār-e-bahār bhī

shab-e-KHizan

jab rañg-o-nūr-o-naġhma nahīñ iḳhtiyār meñ
ik e'tibār-e-shauq hī us bazm se mile

wo gham qubul hai jo teri chashm se mile

ruḳh se haqīqatoñ ke hijābāt uTh ga.e
ab e'tibār-e-dīd pe khā.egā kaun ġhash

sahra mein har taraf hai wahi shor-e-al-atash

ḳhaak meñ bhī milā ke ai zālim
na kiyā e.atibār kyā kahnā

kar ke qaul-o-qarar kya kahna

ham aur beach meñ aate haiñ un kī bātoñ ke
unhoñ ne va.ada kiyā ham ne e'tibār kiyā

adu ke kahne se mujhko zalil-o-KHwar kiya

ye aur baat hai ki hameñ e'tibār ho
varna zamāna aaj yaqīñ kā nahīñ rahā

chahat mein aasman ki zamin ka nahin raha

vo jo e'tibār-e-jamāl the vo kahāñ ga.e
vo jo aap apnī misāl the vo kahāñ ga.e

wo jo etibar-e-jamal the wo kahan gae

ab e'tibār pe jī chāhtā to hai lekin
purāne ḳhauf diloñ se kahāñ nikalte haiñ

ab etibar pe ji chahta to hai lekin

'soz' pal pal badaltī duniyā par
kis tarah dil ko e'tibār aa.e

ab KHizan aae ya bahaar aae

aur farozāñ huā sho.ala-e-qindīl-e-shab
gul kā magar e'tibār dekhiye kab tak rahe

mera junun sharmsar dekhiye kab tak rahe

mausam kā e'tibār nahīñ bādbāñ na khol
kuchh der sāhiloñ kī havā aur dekh le

dil se ye kah raha hun zara aur dekh le

harza-gardī se ham zalīl hue
charḳh kā e'tibār honā thā

ghussa begana-war hona tha

jab nahīñ kuchh e'tibār-e-zindagī
is jahāñ kā shaad kyā nāshād kyā

qaid-e-tan se ruh hai nashad kya

raat ke saath saath baḌhtā gayā
in charāġhoñ pe e'tibār mirā

mujhse mansub hai ghubar mera

husn-e-āvāra kā ai hamdam bhalā kyā e'tibār
aaj bhaTanāgar ke bas meñ hai to kal mittal ke paas

ye KHabar aai hai aaj ek murshid-e-akmal ke pas

bahut qarīb rahī hai ye zindagī ham se
bahut aziiz sahī e'tibār kuchh bhī nahīñ

maal-e-gardish-e-lail-o-nahaar kuchh bhi nahin

bharosa ba.ad meñ kar lenā saarī duniyā par
tum apne aap par to pahle e.atibār karo

hai intizar muqaddar to intizar karo