English
Favourite
Favourite
UrduShayarUrduShayar
Expand menu
Sign inAccount

Tags-Etibaar

ye kah rahī thī samundar nahīñ ye āñkheñ haiñ
maiñ in meñ Duub gayā e'tibār karte hue
Ghazal
 to main bhi KHush hun koi us se ja ke kah dena
kyā lutf de gayā vo fareb-e-vafā kā daur
goyā kisī ke dil pe hameñ e'tibār thā
Ghazal
 mani-taraaz-e-ishq har ek baada-KHwar tha
detā hai roz roz dilāse na.e na.e
kis tarah e'tibār ho 'hāfiz' ke faal par
Sher
 deta hai roz roz dilase nae nae
muhīt-e-pāk pe mauj-e-hunar meñ raushan huuñ
maiñ e'tibār-e-kaf-e-kūza-e-gar meñ raushan huuñ
Ghazal
 muhit-e-pak pe mauj-e-hunar mein raushan hun
koī nahīñ hai yahāñ e'tibār ke qābil
kisī ko raaz batāoge maare jāoge
Ghazal
 nazar nazar se milaoge mare jaoge
us ko dekhā aur us ke baad mujhe
apnī hairat pe e'tibār aayā
Ghazal
 be-sabab ho ke be-qarar aaya
muhīb saa.e baḌhe aate haiñ hamārī taraf
kab e'tibār hameñ dūr-bīñ pe aa.egā
Ghazal
 main jis jagah bhi rahunga wahin pe aaega
tū hī batā de jamāl-e-ma.anī tirā kareñ intizār kab tak
hayāt kā e'tibār ho bhī nigāh kā e'tibār kab tak
Ghazal
 tu hi bata de jamal-e-mani tera karen intizar kab tak
raat thā vasl aaj hijr kā din
kuchh zamāne kā e'tibār nahīñ
Sher
 raat tha wasl aaj hijr ka din
ġhunchoñ ko e'tibār-e-tulū-e-chaman nahīñ
ruḳh se ulaT naqāb ki mausam ḳharāb hai
Ghazal
 la ek KHum-e-sharab ki mausam KHarab hai
ab koī ġham-gusār hamārā nahīñ rahā
duniyā ko e'tibār hamārā nahīñ rahā
Ghazal
 ab koi gham-gusar hamara nahin raha
mujh ko yaqīn thā vo faqat mere saath hai
khāyā hai maiñ ne dhoka isī e'tibār meñ
Ghazal
 basne lagi hain KHwahishen dil ke dayar mein
ab faqat anjuman-ārā.ī hai
e'tibār-e-dil-o-jāñ the pahle
Ghazal
 hum ki maghlub-e-guman the pahle
alag hai sab se tabī.at hī us kī aisī hai
vo be-vafā hai magar us pe e'tibār bhī hai
Ghazal
 KHizan ka KHauf bhi hai mausam-e-bahaar bhi hai
jab e'tibār-e-dīda-e-dil uTh gayā to phir
kyā rah gayā hai yār-e-tarah-dār dekhnā
Ghazal
 kuchh bhi nahin hai kya pas-e-diwar dekhna
anfās-e-musta.ār pe kyā e.atibār-e-zīst
ik dam meñ misl-e-mauj-e-sabā to ravāna hai
Ghazal
 sun le ye iltimas mera dostana hai
mirā vajūd mire e'tibār jaisā hai
kabhī visāl kabhī intizār jaisā hai
Ghazal
 mera wajud mere etibar jaisa hai
nāra-e-takbīr bhī zāhid nisār-e-naġhma hai
kis qadar allāhu-akbar e'tibār-e-naġhma hai
Ghazal
 nara-e-takbir bhi zahid nisar-e-naghma hai
hamāre ashkoñ kī me.arāj apne dāman tak
tum apnī pākī-e-dāmāñ kā e'tibār karo
Ghazal
 mujhe bhi apna sharik-e-safar shumar karo
vo nazar phir ga.ī to kyā hogā
us nazar tak hai e'tibār apnā
Ghazal
 daman-e-dil hai tar tar apna
Top Urdushayar.com