Tags-Aarzoo

qābil-e-dīd haiñ visāl kī shab
ārzū-hā-e-kāmyāb ke rañg

hotī kahāñ hai dil se judā dil kī aarzū
jaatā kahāñ hai sham.a ko parvāna chhoḌ kar

aañkh dariyā jigar lahū karnā
kitnā mushkil hai aarzū karnā

dil-e-vīrāñ ko dekhte kyā ho
ye vahī aarzū kī bastī hai

na koī phuul hī rakhā na aarzū na charāġh
tamām ghar ko bayābān kar diyā maiñ ne

hikāyat-e-ishq se bhī dil kā ilaaj mumkin nahīñ ki ab bhī
firāq kī talḳhiyāñ vahī haiñ visāl kī aarzū vahī hai

huuñ muztarib tirī gum-gashta aarzū ke liye
dukān-e-dil se dur-e-be-bahā gayā hai mirā

tirī anjuman markaz-e-ārzū
tirī anjuman meñ guzar bhī nahīñ

bhare hue jaam par surāhī kā sar jhukā to burā lagegā
jise terī aarzū nahīñ tū use milā to burā lagegā

ye aarzū hai sanam ko qarīb-tar dekhūñ
so regzār meñ patthar talāsh kartī huuñ

dard kī lahroñ ne rakkhā muztarib anfās ko
naam ke tūfāñ se jism-e-ārzū Dhāñpā gayā

koī ḳhvāb hai na ḳhayāl hai koī aarzū hai na justujū
ye kahāñ hai lā ke biThā diyā mujhe qaid-e-jāñ se nikāl ke

jahāñ meñ mujh se bhī nākām-e-ārzū kam haiñ
na rañg aah meñ hai aur na soz aah meñ hai

thī hameñ aarzū lab-e-ḳhandāñ
so evaz us ke chashm-e-tar dekho

garche kab dekhte ho par dekho
aarzū hai ki tum idhar dekho

aarzū thī ki shajar ko samar-āvar dekhūñ
baur paḌte hī magar sahn meñ patthar aa.e

ḳhaak se kar ḳhāksārī se riyāzat se araq
aarzū kī aañch de nusḳha hai ye iksīr kā

hazār baar huā ḳhūn-e-ārzū lekin
kabhī kisī ko mirī aañkh meñ namī na milī

ik tabassum thā javāb-e-ārzū
vus.ateñ qurbāñ huiiñ mafhūm par

kuchh is liye bhī tirī aarzū nahīñ hai mujhe
maiñ chāhtā huuñ mirā ishq jāvedānī ho