Tags-Aarzoo

kamāl kar diyā ham ne ki aarzū ke baġhair
kisī tarah se jiye zindagī guzār aa.e

sub.h-e-justujū hai tū
shām-e-ārzū hai tū

hai aarzū ki palaT jā.ūñ āsmāñ kī taraf
mizāj ahl-e-zamīñ kā nahīñ milā mujh se

suḳhan-e-'ārzū' chaman-e-ārzū ḳhutan-e-ārzū adn-e-ārzū
ye dur-e-be-sadaf qamar-e-bā-sharaf na tah-e-ḳhāna thā na sar-e-bām thā

jo sach pūchho to zabt-e-ārzū se kuchh nahīñ hotā
parinde mere siine meñ pur-afshānī bhī karte haiñ

tum ne vahāñ raqīb ko pahlū meñ dī jagah
yaañ rah gayā taḌap ke dil-e-ārzū-pasand

de deñ abhī kare jo koī ḳhūb-rū pasand
ham ko nahīñ pasand dil-e-ārzū-pasand

ab tak bhī jis ko paane kī 'nayyar' hai aarzū
vo lamha-e-azīz na jaane kidhar gayā

naaz kartā huuñ aaj maiñ dil par
dil hai merā to aarzū tum ho

aarzū is dil-e-shaidā kī yahī hai ki tirā
ek bosa kabhī de de lab-e-sofār faqat

hama-ārzū hama-be-ḳhudī hama-bandagī hama-be-kasī
yahī chand lamhoñ kī zindagī ise kyuuñ na fursat-e-ġham kaheñ

ḳhvāb meñ rakkhī ga.ī buniyād-e-shahr-e-ārzū
qaid meñ barfāb kī sho.ala javāñ rakkhā gayā

bar aa.ī aaj mire dil kī aarzū sad shukr
ki dāman aap kā roz-e-hisāb haath meñ hai

aarzū ḳhvāb dil-lagī va.ada
in gharoñdoñ pe kuchh bharosā kyā

so.e kabhī na saath hamāre ḳhushī se tum
jāveñge gor meñ yahī ham aarzū liye

na jī bhar ke dekhā na kuchh baat kī
baḌī aarzū thī mulāqāt kī

ḳharāb ho rahī hai jins-e-ārzū
ye maal ab dukān se nikāliye

ab tark-e-ārzū ke sivā kyā kareñ 'zuhair'
is dasht-e-ārzū kī fazā kis ko raas hai

har navā-e-ārzū ko iztirāb-e-shauq meñ
dil ke har parde se ham-āvāz honā chāhiye

ḳhushī kī aarzū kyā dil meñ Thahre
tire ġham ne biThā rakkhe haiñ pahre