Tags-Aarzoo

'arshad' vo sāmne hī to hai shāḳh-e-dastaras
duurī bas ek jast-e-buland-ārzū kī hai

vo la.al o lab ke tazkire, vo zulf o ruḳh ke zamzame
vo kārobār-e-ārzū vo valvale, vo hamhame

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

vo gul jān-e-bahār-e-ārzū hai log kahte haiñ
use shāḳh-e-tamannā par sajā kar dekh letā huuñ

merī siyāh shab ne ik umr aarzū kī
larze kabhī ufuq par taagā sā raushnī kā

tāb-e-nākāmī nahīñ to aarzū kartā hai kyā
sāqiyā tujh se nahīñ ham se hai mai-ḳhāne kā naam

hai aarzū ki apnā sarāpā dikhā.ī de
ā.īna dekhtā huuñ ki chehra dikhā.ī de

niklā vahāñ se maiñ to mire dil kī aarzū
sar pīTtī huī tirī mahfil meñ rah ga.ī

ye aarzū hai ki ta.amīr ho makāñ 'rizvān'
abhī zamīn pe buniyād ke sivā kyā hai

hamesha har saañs ne hamārī shab-e-judā.ī meñ aarzū kī
kisī tarah se tire chaman meñ nasīm ho kar sahar ko chaliye

visāl kī shab guzar ga.ī hai jo aarzū thī vo mar ga.ī hai
hameñ to hichkī lagī huī hai vo fikr meñ haiñ ki ghar ko chaliye

gāmzan haiñ ham musalsal ajnabī manzil kī samt
zindagī kī aarzū meñ zindagī khote hue

chashm-e-lutf-āgīñ na.e andāz se
le rahī hai intiqām-e-ārzū

hoshiyār ai infi.āl-e-kaif-zā
husn tak pahuñchā payām-e-ārzū

aah ab ḳhuddārī-e-akbar kahāñ
ho ga.ī vo bhī ġhulām-e-ārzū

zabt-e-āh-e-dil-shikan aur maiñ hazīñ
kar rahā huuñ ehtirām-e-ārzū

bazm-e-anjum jab sarāpā-gosh thī
kaash tum sunte payām-e-ārzū

aah ai saudā-e-ḳhām-e-ārzū
tā-ba-kai āḳhir nizām-e-ārzū

yaas kī gunjā.isheñ kis dil meñ haiñ
le rahā hai kaun nām-e-ārzū