Tags-Father

jo vālid kā buḌhāpe meñ sahārā ban nahīñ saktā
jo sach pūchho to ho laḳht-e-jigar achchhā nahīñ lagtā

jo tere vālid ne merī shādī pe ek joḌī diye the juute
vo tere maike kī shāh-rāhoñ pe aane jaane meñ ghis ga.e haiñ

agar terī ḳhushī hai tere bandoñ kī masarrat meñ
to ai mere ḳhudā terī ḳhushī se kuchh nahīñ hotā

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

kahā karte the vālid qais ke fart-e-mohabbat meñ
nahīñ ma.alūm kis jañgal meñ bar-ḳhurdār baiThe haiñ

jab bhī vālid kī jafā yaad aa.ī
apne daadā kī ḳhatā yaad aa.ī

aap kā pahlā hī andāz batā detā hai
aap ko aap ke vālid ne sikhāyā kyā hai

aah vo vālid-e-be-zar kī javāñ beTī ke
suune hāthoñ ke liye rañg-e-hinā māñge hai

raat kī samt dekho nahīñ niiñd us din se aa.ī nahīñ
jab se vālid ke hī sāmne us ke beTe alag ho ga.e