Tags-Aashiq

apne āshiq kuuñ dikhāo jalva-e-īmāñ-fareb
aql kī rakhtā hai bū zāhid kuuñ majnūñ mat karo

us kā āshiq huā huuñ jis kī 'vaqār'
chashm aahū nigāh aahū hai

āshiq-e-jāñ fidā-e-abrū hai
jo mah-e-īd sar-ba-zānū hai

sub.h se le kar shaam talak yaañ ye vo galī hai jis meñ phireñ haiñ
chāk-girebāñ mu-e-pareshāñ ham se hazāroñ āshiq-e-rusvā

sitam-kash maslahat se huuñ ki ḳhūbāñ tujh pe āshiq haiñ
takalluf bartaraf mil jā.egā tujh sā raqīb āḳhir

aatā hai yaad phuul ke dekhe siiñ gul-badan
āshiq kā chhīltī hai jigar bulbuloñ kī haañk

ġhazal aur is zamīñ meñ paḌhiye vo 'jur.at' ki sun jis ko
kaheñ āshiq kalām-e-āshiqāna is ko kahte haiñ

ik roz hue the kuchh ishārāt ḳhafī se
āshiq haiñ ham us nargis-e-rānā ke jabhī se

shu.ūr-e-chashm-o-dil-o-jāñ nisārī-e-āshiq
agar hai ḳhāliq-e-nām-o-nishāñ to kuchh bhī nahīñ

būjhā hai 'alīm' aaj ki hai husn kā tū ganj
ye ḳhush-ḳhabarī āshiq-e-be-zar se kahūñgā

piyāñ ke naañv āshiq kuuñ qatl ajab dekhe
na barchhī hai na karchhī hai na ḳhanjar hai na bhālā hai

murġh-e-bismil āshiq-e-mahjūr dono ek haiñ
us ko phaḌkātī hai marg aur is ko taḌpātī hai niiñd

jam.iyyat-e-aġhyār se Darte nahīñ āshiq
par ḳhauf ye hai un kī himāyat na kare tū

jaan kī baazī lagā baiThā hai phir
phir koī āshiq juārī ho gayā

yuuñ to haiñ ma.ashūq hazāroñ yuuñ to haiñ lākhoñ āshiq bhī
lekin behtar nādir-e-yaktā maiñ hī maiñ huuñ tū hī tū hai

vo āshiq haiñ ki marne par hamāre
kareñge yaad ham ko umr bhar aap

gar bahā-e-ḳhūn-e-āshiq hai visāl
intiqām-e-zahmat-e-jallād kyā

ġham āġhosh-e-balā meñ parvarish detā hai āshiq ko
charāġh-e-raushan apnā qulzum-e-sarsar kā marjāñ hai

toḌā thā kis ke dil ko khilaune kī tarah se
āshiq tumhārā jab ki laḌakpan thā kaun thā

haal āshiq kā kyā bayāñ kiije
ḳhvār hai ḳhasta hai tabāhī hai