Tags-Aashiq

ye ḳhudā jaane kisī ko hai ḳhabar yā ki nahīñ
ham bhī ik āshiq-e-ġham-ḳhvār haiñ kin ke un ke

ye kah kar ruuh niklī hai tan-e-āshiq se furqat meñ
mujhe ujlat hai baḌh jaa.e na aage kārvāñ merā

haif us chaar girah kapḌe kī qismat 'ġhālib'
jis kī qismat meñ ho āshiq kā girebāñ honā

āḳhir ā.ūñgā na.ash par ab aah
ki ye āshiq tamām hotā hai

āshiq-e-zār pe rah rah ke nazar paḌtī hai
DhūñDhtī hai koī hamdam shab-e-hijrāñ apnā

asiir ai dost tere āshiq o ma.ashūq donoñ haiñ
giraftār āhanī zanjīr kā ye vo talā.ī kā

bharosa aah par hargiz nahīñ ai yaar āshiq ko
shikār ab tak kahīñ dekhā nahīñ tīr-e-havā.ī kā

kis darja sāda-lauh haiñ āshiq-mizāj bhī
jo Dhab pe chaḌh gayā vo unheñ aa gayā pasand

ghar se nikle ho nihatte vaqt-e-qatl
ye bhī bahr-e-qatl-e-āshiq ghaat hai

kahtā hai sar jhukā jo āshiq hai
maiñ to ab mā.il-e-shikār aayā

jān-o-dil thā nazr terī kar chukā
tere āshiq kī yahī auqāt hai

karne kuuñ qatl āshiq-e-jāñ-bāz ke sanam
le teġh-e-nāz haath kamar rakh kaTār chal

turra kī tarah se dil-e-āshiq ko pech meñ
kis kis lapeT se tirī dastār ne kiyā

āshiq kī tarah maiñ jo lagā karne bandagī
āzād daaġh de ke ḳharīdār ne kiyā

na the āshiq kisī be-dād par ham jab talak 'tābāñ'
hamāre dil ke ta.iiñ kuchh dard-o-ġham tab tak na thā hargiz

is terī banāvaT se hai saaf hameñ zāhir
āshiq ke miTāne par bāñdhī hai kamar tū ne

na the āshiq kisī be-dād par ham jab talak 'tābāñ'
hamāre dil ke ta.iiñ kuchh dard-o-ġham tab tak na thā hargiz

nahā ke afshāñ chuno jabīñ par nichoḌo bāloñ ko ba.ad is ke
dikhāo āshiq ko is hunar se falak pe bijlī zamīñ pe bārāñ

ta.alluq āshiq o māshūq kā to lutf rakhtā thā
maze ab vo kahāñ baaqī rahe biivī miyāñ ho kar

sahar furqat kī hai aur ġhash pe ġhash aate haiñ āshiq ko
abhī se jab ye hālat ho ga.ī tā-shām kyā hogā