Tags-Aashiq

mujh se āshiq ke ta.iiñ maar ke kyā pāvegā
muft badnāmī tujhe hovegī pachhtāvegā

āshnā.ī na 'jahāñdār' se toḌ ai pyāre
aisā āshiq na jahāñ meñ tū koī pāvegā

jo tirā āshiq-e-raftār hai juuñ naqsh-e-qadam
tere kūche ke ta.iiñ chhoḌ kahāñ jāvegā

āshiq kā abhī rutba samjhā hī nahīñ tū ne
dekhne meñ hai dīvāna matlab kā hai farzāna

agar āshiq koī paidā na hotā
to māshūqoñ kā ye charchā na hotā

muñh khole to roz hai raushan zulf bikhere raat hai phir
in tauroñ se āshiq kyūñ-kar sub.h ko apnī shaam kareñ

sham-e-bazm-e-dil-barāñ hai merī dil-sozī kī zau
maiñ dil-e-āshiq ke ḳhvāboñ kī gul-afshānī meñ huuñ

ma.ashūq kā nazāra mayassar ho yā na ho
āshiq hamesha tālib-e-dīdār hī bhalā

balā ko us kī ḳhabar hai kahte haiñ kis ko ma.ashūq kyā hai āshiq
hunūz kānoñ meñ us parī ke ye guftugū bhī nahīñ ga.ī hai

rahnā paḌā hai duur karachi se varna ham
is shahr-e-be-misāl ke āshiq sadā ke haiñ

dil-e-'jauhar' hai ik āshiq kī duniyā
ki ye pāmāl-e-husn-o-nāz bhī hai

martaba ma.ashūq kā āshiq se bālā-dast hai
ḳhaar kī jā zer-e-pā gul kā makāñ dastār par

āshiq jo is galī kā bhī mar kar chalā gayā
duniyā se ek aur qalandar chalā gayā

yā-rab na vo din us ke tū āshiq ko dikhānā
ma.ashūq ke aate hī jo āġhosh meñ mar jaa.e

bast-e-nukta piye kam-bīnī-e-chashm-e-āshiq
vus.at-e-ālam-e-hairanī-e-doshīza-e-ḳhuld

bakne ke 'shahīdī' ke burā māniyo mat jaan
haiñ āshiq-e-sādiq kabhī aisā na kareñge

ā.ankhoñ meñ huā hai ghar terā dil kahtā hai rakh har dam parda
ho chashm-e-tamannā kyuuñ kar vā āshiq kī nazar hai partav-e-ruḳh

shohra hai bahār-e-āriz kā bulbul kī tarah āshiq haiñ fidā
hai bāġh-e-javānī rūh-afzā barg-e-gul-e-tar hai partav-e-ruḳh

uTh āshiq-e-muztar sajde kar aa.ī hai shab-e-maqsad kī sahar
vo dekhte haiñ ġhurfe se idhar ai ḳhāk-basar hai partav-e-ruḳh

pūchhte kyā ho maskan-e-āshiq
be-gharoñ kā ajī Thikānā kyā