Tags-Garmi

sohbat kī garmī ham se koī sīkhe misl-e-sham.a
saare hue safed pa tad bhī javāñ rahe

ki sardī meñ vo gole ġhanDe rakhe
to garmī meñ vo uble anDe rakhe

har nasha thā lahū kī garmī se
ab vo mastī kahāñ sharāboñ meñ

garmī kī lū meñ tapne ke ba.ad hī paanī kā hai maza
tujh ko jītnā āsāñ thaa, ham jaan ke tujh ko haare haiñ

aalam ko jalātī hai tirī garmi-e-majlis
marte ham agar sāya-e-dīvār na hotā

aao phir garmī dayār-e-ishq meñ paidā kareñ
tuur kī miTTī se taḳhlīq-e-yad-e-baizā kareñ

iltihāb-o-siz-e-dil haiñ bā.is-e-sailāb-e-ashk
hai azal ke din se garmī rahnumā barsāt kī

sard-o-garm-e-zamāna dekh liyā
na vo garmī hai ab na sardī hai

husn-e-be-parda kī garmī se kaleja pakkā
teġh kī aañch se ghar meñ mire khānā pakkā

lagī hai aag jo kambal kabhī uḌāyā hai
tire barahna se garmī do-shāla kyā kartā

laraz ke TuuT hī jaa.e na aaj barg-e-badan
lahū meñ qurb kī garmī ragoñ meñ lū hai bahut

merī hī nazar kī mastī se sab shīsha-o-sāġhar raqsāñ the
merī hī nazar kī garmī se sab shīsha-o-sāġhar TuuT ga.e

zarā sī der ko bād-e-bahārī aa.ī thī lekin
taḌap uTThe the garmī se bihārī vo nahīñ aa.ī

garmi-e-shauq ne tirī 'āsif'
un ke ruḳhsār o lab nikhāre haiñ

kyuuñ tirī thoḌī sī garmī siiñ pighal jaave hai jaañ
kyā tū neñ samjhā hai āshiq is qadar hai mom kā

haañ jab sitam ko ain karam kah rahe the log
ham bhī sharīk-e-garmī-e-guftār kyuuñ na the

'salām' ik din pahuñch hī jā.eñge un ke bhī dāman tak
ye sho.ale jin kī garmī se mirā añg añg jaltā hai

maiñ ne mai-ḳhāne ke har jaam meñ garmī paa.ī
jaane kyā chiiz thī paimānoñ meñ baada to na thā

fart-e-be-ḳhvābī se haiñ shab-hā-e-hijr-e-yār meñ
juuñ zabān-e-sham.a dāġh-e-garmi-e-afsāna ham