Tags-Ghar

phir vahī kahne lage tū mire ghar aayā thā
chāñd jin chaar gavāhoñ ko nazar aayā thā

āstāna tirā ḳhudā kā ghar
aur ham āzmāne baiThe haiñ

jis jagah jo ḳhush-nashīñ aayā nazar rahne diyā
ham ne raushan-dān meñ chiḌiyoñ kā ghar rahne diyā

chain ghar meñ na kabhī tere nagar meñ pā.ūñ
ḳhud ko har lamha maiñ ik lambe safar meñ pā.ūñ

koī āvāz na saaya na havā meñ halchal
mo'tariz soch meñ kyā baiTh ke ghar meñ pā.ūñ

jaate haiñ nā kisī ke ghar ham aur na koī kuchh detā hai ham ko
qat.a kiye haiñ ham ne donoñ pā-e-talab aur dast-e-tamannā

koī aayā hai zarūr aur yahāñ Thahrā bhī hai
ghar kī dahlīz pe ai 'nūr' ujālā hai bahut

ye us kā shahr hai us kī mahak batātī hai
zarā talāsh karo us kā ghar bhī aa.egā

khule raheñge darīche is aas par ghar ke
kabhī to jhoñkā havā kā idhar bhī aa.egā

ab us ke band kivāḌoñ ke paas baiTh raheñ
jo shaḳhs ghar se gayā hai vo ghar bhī aa.egā

ghar se ham ghar talak ga.e hoñge
apne hī aap tak ga.e hoñge

har aane jaane vaale se ghar kā rasta pūchhte ho
ḳhud ko dhokā dete dete be-ghar bhī ho jāoge

ajiib saa.e sukūnat kiye hue the yahāñ
baḌā sukūn milā hai ye ghar jalāne meñ

ghar-ba-ghar hai vo mast-e-ishva-o-nāz
dar-ba-dar ham ḳharāb hote haiñ

dar-o-dīvār to bāhar ke haiñ Dhāne vaale
chāhe rahtā nahīñ maiñ par mirā ghar hai mujh meñ

āshufta kiyā itnā 'ziyā' dar-ba-darī ne
bāvar nahīñ aatā ki hamārā koī ghar hai

ḳhaufnākī asar-andāz huā kartī hai
is ko aḳhbār kī mānind na ghar ghar phailā

kab use lauT ke dekheñge ye dekhā jaa.e
ham ne duniyā to bahut dekh lī ghar dekh na paa.e

phir judā hone kā manzar aa gayā hai
aur shab-e-hijrāñ mirā ghar aa gayā hai

bahāroñ kī tarah dar boltā hai
koī aa jaa.e to ghar boltā hai