Tags-Ghar

safar pe nikle haiñ ham puure ehtimām ke saath
ham apne ghar se kafan saath le ke aa.e haiñ

unheñ parā.e charāġhoñ se kyā ġharaz 'iqbāl'
jo apne ghar ke diye ḳhud bujhā ke aa.e haiñ

dhuup sar par barahna-pā be-ghar
ḳhud-farāmoshī to gunāh meñ hai

jo aatā thā so vo ho rahtā thā usī ghar kā
zamīñ kī naaf hai ka.aba hai batn-e-mādar kā

maiñ tujh se milne samay se pahle pahuñch gayā thā
so tere ghar ke qarīb aa kar bhaTak rahā huuñ

jā.egī gulshan talak us gul kī aamad kī ḳhabar
aa.egī bulbul mire ghar meñ mubārakbād ko

ek gum-karda galī meñ ek nā-maujūd ghar
kūcha-e-ushshāq meñ 'āsim' pata merā bhī hai

muntazir maiñ huuñ 'suman' koī kahīñ se aa kar
dil abhī tak jo makāñ hai vo use ghar kar de

talāsh-e-rizq meñ niklā thā ghar se
ab apne aap ko maiñ DhūñDhtā huuñ

inhīñ pattharoñ pe chal kar agar aa sako to aao
mire ghar ke rāste meñ koī kahkashāñ nahīñ hai

kapḌe badal kar baal banā kar kahāñ chale ho kis ke liye
raat bahut kaalī hai 'nāsir' ghar meñ raho to behtar hai

azīzāñ sitamgar na aayā mire ghar
na aayā mire ghar azīzāñ sitamgar

is ḳhabar ke aane ke ba.ad
maiñ apne ghar kī khiḌkiyāñ

ḳhushī se apnā ghar ābād kar ke
bahut ro.eñge tum ko yaad kar ke

aise chhupne se na chhupnā hī thā behtar terā
tū hai parde meñ magar zikr hai ghar ghar terā

log chalte haiñ zamāne kī taraf
ham jidhar ghar hai udhar jaate haiñ

lauT ga.e sab soch ke ghar meñ koī nahīñ hai
aur ye ham ki añdherā kar ke baiTh ga.e haiñ

chaman-e-shahr to vīrāñ thā magar is ghar meñ
itnī nik.hat hai ki tum ek gulistāñ ho zarūr

sahrā kī muñh-zor havā.eñ auroñ se mansūb huiiñ
muft meñ ham āvāra Thahre muft meñ ghar vīrān huā

mujh se pūchhā usī ne merā pata
DhūñDne jis ko ghar se niklā thā