Tags-Greed

jaane kis lālach meñ aa kar sar kā saaya bech diyā
meñh meñ bhīge yaad aayā tinkoñ kā chhappar achchhā thā

vaa.iz kare hai nekiyāñ lālach meñ huur kī
tab hī to us kī baat hai tāsīr ke baġhair

vo to ḳhud-ġharzī hai lālach hai havas hai jin kā
naam is daur ke insāñ ne vafā rakkhā hai

boriyā taḳht-e-sulaimāñ se kahīñ behtar hai
ham ġharīboñ ko nahīñ tāj-o-nagīñ kā lālach

jab yahīñ taish meñ guzre to vahāñ kyā ummīd
na rahā is liye ham ko to kahīñ kā lālach

hālat-e-qalb sar-e-bazm batā.ūñ kyūñkar
parda-e-dil meñ hai ik parda-nashīñ kā lālach

ishq-bāzī pe sunā mujh ko malāmat na karo
haif hai jis ko na ho tum se hasīñ kā lālach

dil bhī do jaan bhī do zar bhī do us ko 'parvīñ'
baḌh gayā sab se mire māh-jabīñ kā lālach

mujh ko duniyā kī tamannā hai na diiñ kā lālach
haa.e lālach hai to ik māh-jabīñ kā lālach

na maiñ duniyā kā talabgār na uqbā kī havas
āsmānoñ kī tamannā na zamīñ kā lālach

lālach bharī mohabbat nazroñ se gir na jaa.e
bad-e'tiqād dil kī jhūTī namāz ho kar

jaa.ez nahīñ taqāzā lālach burī balā hai
na.are lagā ke tum ne ghar bhar pe zulm Dhaa.e

lālach se aur jaur-o-jafā se nahīñ banī
apnī zamīn vaale ḳhudā se nahīñ banī

vaa.iz na sunegā saaqī kī lālach hai use paimāne kā
mujh se hoñ agar aisī bāteñ maiñ naam na luuñ maiḳhāne kā

hasad nifāq adāvat havas daġhā lālach
lage hai zahr ye nafrat kā ḳhāndān mujhe

taḳht kī ḳhvāhish luuT kī lālach kamzoroñ par zulm kā shauq
lekin un kā farmānā hai maiñ in ko jazbāt likhūñ

bāchhoñ se bahtī ḳhvāhish ko poñchhne vaalī
nazroñ meñ halkore lete lālach ko chimTe meñ bhar ke

jhaTak kar dil se saare lobh lālach
yahāñ ban-bās meñ behtar rahā huuñ

ḳhairāt kā mujhe koī lālach nahīñ 'zafar'
maiñ is galī meñ sirf sadā karne aayā huuñ

kabhī kabhī to naf.a ke lālach meñ 'sāhir'!
ḳhud ko kisī nuqsān meñ rakhnā paḌtā hai