Tags-Hawa

havā ke dosh pe rakkhe hue charāġh haiñ ham
jo bujh ga.e to havā se shikāyateñ kaisī

tum kaif meñ sharāb ke kahte ho jis ko dil
bhūnā huā kabāb hai merī nigāh meñ

kal bhī dekhā thā unheñ aaj bhī darshan hoñge
hasb-e-ma.amūl vo nikleñge havā khāne ko

ab us dar kī 'aḳhtar' havā aur hai
liye apne shām-o-sahar jā.iye

ta.alluq hī nahīñ hai jin se merā
maiñ un ḳhadshāt meñ rakkhā huā huuñ

āñchal kī havā de koī is ġhuncha-e-dil ko
vā ho nahīñ saktā ye nasīm-e-saharī se

merī marzī meñ huā kartī thī terī marzī
kitne milte the ḳhayālāt zarā yaad karo

koī bhaTkā huā bādal koī uḌtī ḳhushbū
kaun kah saktā hai ik din ye baham hī hoñge

sab apne apne taaq meñ tharrā ke rah ga.e
kuchh to kahā havā ne charāġhoñ ke kaan meñ

kā.ināt-e-lams maujūd-o-adam
kuchh na honā bhī huā itnā tamām

ishq kī māyūsiyoñ meñ soz-e-pinhāñ kuchh nahīñ
is havā meñ ye charāġh-e-zer-e-dāmāñ kuchh nahīñ

nā-tarāshīda basārat bhī basīrat Thahrī
ye na honā thā magar ye bhī huā chāhtā hai

chalo achchhā huā duniyā 'hafīz' ab duur hai ham se
mohabbat ne hameñ duniyā se begāna banā Daalā

jaane chalī hai kaisī havā saare shahr meñ
socheñ huiiñ saroñ se judā saare shahr meñ

hare phaloñ ko toḌtī huī havā guzar ga.ī
bujhī bujhī fazā meñ har daraḳht sogvār thā

tum ko takne kā ik fā.eda ye huā
merī āñkhoñ kī bīnā.iyāñ baḌh ga.iiñ

musāfirān-e-safīna-e-jāñ ravāñ haiñ kin manziloñ kī jānib
havā kī zad par shab-e-siyah meñ alam kiye bādbāñ lahū kā

huī dil kī ḳhabar dil ko ki vo bad-zan huā varna
na Tapke ashk āñkhoñ se na muñh tak harf-e-rāz aayā

huā hai 'shauq' mai-ḳhāne meñ dāḳhil kis takalluf se
bichhāne ke liye masjid se le kar jā-namāz aayā

mirī sarisht hai hans hans ke zaḳhm-e-ġham khānā
ki hādsāt meñ pal kar javāñ huā huuñ maiñ