Tags-Hawa

jitne motī gire aañkh se jitnā terā ḳhasārā huā
dast-basta tujhe kah rahe haiñ vo saarā hamārā huā

aa girā zinda shamshān meñ lakḌiyoñ kā dhuāñ dekh kar
ik musāfir parinda ka.ī sard rātoñ kā maarā huā

ham ne dekhā use bahte sapne ke arshe pe kuchh der tak
phir achānak chahakte samundar kā ḳhālī kinārā huā

jā rahā hai yūñhī bas yūñhī manzileñ pusht par bāñdh kar
ik safar-zād apne hī naqsh-e-qadam par utārā huā

zindagī ik juā-ḳhāna hai jis kī fōtpath par apnā dil
ik purānā juārī musalsal ka.ī din kā haarā huā

tum jise chāñd kā chāñd kahte ho 'mansūr-āfāq' vo
ek lamha hai kitne musībat-zadoñ kā pukārā huā

hamāre paas aayā hai mo.attar jab koī jhoñkā
use ham be-takalluf tere dāman kī havā samjhe

ik merā vajūd sun rahā hai
ilhām jo raat kī havā de

ek rahne se yahāñ vo māvarā kaise huā
sab se pahlā aadmī ḳhud se judā kaise huā

kyā huā vīrāñ kiyā gar mohtasib ne mai-kada
jam.a phir kal shaam tak har ek shai ho jā.egī

aag kā zā.iqa har zabāñ par sulagtā huā zaḳhm thā
raat kā āhanī dar samundar kī jānib khulā

rāstoñ ne kahā kyuuñ hujūm-e-farāvāñ kā anjām ibrat huā
kaun ibrat ke ehsās ko māntā

sabhoñ siiñ mukh moḌ kar mirā dil prit ke fan meñ huā udāsī
namāz jī siiñ niyāz kī paḌh saf-e-junūñ kā imaam dastā

jaisī nigāh thī tirī vaisā fusūñ huā
jo kuchh tire ḳhayāl meñ thā jūñ-kā-tūñ huā

bād-e-muḳhālifat jo kabhī tez-tar huī
sargarm aur bhī tirā jazb-e-darūñ huā

ḳhurshīd aap le ke chalā tujh ko saa.e saa.e
terī muvāfaqat meñ falak vāzhgūñ huā

tere tufail jaatī rahī ḳhaar se chubhan
shādābiyoñ meñ mazra.a-e-hastī fuzūñ huā

azmat kare salām tire naam kī mudām
parcham tirī vafāt ke din sar-nigūñ huā

jaame se huā jaatā hai bāhar jo har ik gul
kyā baaġh meñ vo band-e-qabā khol rahā hai