Tags-Hawa

so phir yuuñ huā
maqtaloñ kī taraf jab ravāna hue ham

to phir yuuñ huā
ham darīda-badan

aa.iye biich kī dīvār girā dete haiñ
kab se ik mas.ala be-kār meñ uljhā huā hai

dil meñ bharī hai ḳhaak meñ milne kī aarzū
ḳhākistarī huā hai hamārī qabā kā rañg

ġhazal-ḳhvānī kar ab ai 'mus.hafī' tark
huā qad ḳham ye vaqt-e-bandagī hai

mire mausamoñ ke bhī taur the mire barg-o-bār hī aur the
magar ab ravish hai alag koī magar ab havā koī aur hai

chāhā bhī agar ham ne tirī bazm se uThnā
mahsūs huā paañv meñ zanjīr paḌī hai

havā kā hai na paanī kā karishma
nafas ko ḳhud jalā rakkhā hai us ne

ba-nām-e-ahd-e-rifāqat bhī ham-qadam na huā
ye hausla mire ma.asūm ham-nafas meñ na thā

vo sub.h kā ehsās ho yā merī kashish ho
Duubā huā ḳhurshīd lab-e-bām to aayā

kyā huā Duub kyuuñ gayā āḳhir
ḳhvāb to sāhiloñ pe utrā thā

vahshī havā ne aise barahna kiye badan
apnā lahū libās banānā paḌā hameñ

merī tarah se ye bhī satāyā huā hai kyā
kyuuñ itne daaġh dikhte haiñ mahtāb meñ abhī

yahāñ kaise raheñ mahfūz chehre
yahāñ TuuTā huā har aa.ina hai

ye sadāoñ ke ḳham-o-pech ye rañgoñ kī zabāñ
chimniyoñ se ye nikaltā huā pur-pech dhuāñ

kahāñ tevar haiñ un meñ ab vo kal ke
havā chalne lagī hai ruḳh badal ke

pahelī ban ke vo ojhal huā hai
kiye haiñ band dar sab us ne jal ke

uḌā diyā hai jise chuum kar havā meñ 'nasīm'
use hamesha hifāzat meñ ai ḳhudā rakhnā

sīdhe sīdhe chal ke kyā hāsil huā
zindagī muḌtī hai moḌā kījiye