Tags-Hunar

kār-e-hunar sañvārne vāloñ meñ aa.egā
jab bhī hamārā naam havāloñ meñ aa.egā

har ek tuḳhm ko rizq-e-shikam-purī na samajh
hunar bhī siikh zamīñ se shajar banāne kā

ye aur baat ki manzil-fareb thā lekin
hunar vo jāntā thā ham-safar banāne kā

milā jo kaam ġham-e-mo'tabar banāne kā
hunar us aañkh ko aayā na ghar banāne kā

dard bhī sahnā tabassum bhī laboñ par rakhnā
marhabā ishq hameñ bhī ye hunar aa gayā hai

kuchh to yāroñ se milā sañg-e-malāmat hī sahī
kis ne is shahar meñ yuuñ dād-e-hunar paa.ī hai

apnā iz.hār asīr-e-ravish-e-ām nahīñ
jaise kah deñ vahī meyār-e-hunar bantā hai

pindār-e-hunar zauq-e-nazar shiddat-e-iḳhlās
duniyā ke muqābil mire lashkar nikal aa.e

mai-kashī chhoḌ dī tauhīn-e-hunar kar aayā
jaam ulTā.e subū zer-o-zabar kar aayā

kārdāñ haiñ balā ke sab chehre
aa.ine ko hunar se chhalte haiñ

merī takmīl hone lagī
vo sarāpā hunar mil gayā

na kaam aayā jahāñ arz-e-hunar bhī
lab-e-iz.hār sharminda hue haiñ

ham aise sāda-diloñ ko tujh se milegī dād-e-ḳhulūs kaise
zamāna-sāzī kī ḳhū tire ahd meñ hunar hai sitam to ye hai

ik sher jaane kis ke tasavvur meñ kah diyā
barsoñ pukārtā rahā merā hunar mujhe

mujh meñ the jitne aib vo mere qalam ne likh diye
mujh meñ thā jitnā husn vo mere hunar meñ gum huā

jo fikr ko yaqīn kī daulat atā kare
ham ko to aise dast-e-hunar kī talāsh hai

zaḳhm-e-nigāh zaḳhm-e-hunar zaḳhm-e-dil ke ba.ad
ik aur zaḳhm tujh se bichhaḌ kar milā mujhe

ai be-hunar sambhal kar chalnā hai shā.irī meñ
sher-o-suḳhan ke māhir ahbāb dekhte haiñ

har zaḳhm-e-hunar se
har dīda-e-tar se

yā be-ḳhabar the vus.at-e-dariyā-e-rang se
yā chashm-e-be-hunar the shanāvar palaT kar aa.e