Tags-Husn

pilā kar phir sharāb-e-husn-o-jalva
mujhe be-ḳhud banāyā jā rahā hai

sau sau tarah se tujh ko sañvārā hai husn-e-dost
sau sau tarah se rañg badalte rahe haiñ ham

be-mashshāta husn kī gaañv gaañv thā vo kahāñ gayā
bed ke sāya-zāroñ ne kab pahchān apnī khoī hai

āshnā sīrat kī ḳhushbū se nahīñ
husn-e-zāhir par fidā hai aa.ina

ishq ne dekh liye husn meñ āfāq tamām
ek sakte kā vo umr-e-guzrāñ meñ aanā

maiñ tire husn ko ra.anā.ī-e-ma.anī de duuñ
tū kisī shab mire andāz-e-bayāñ meñ aanā

husn ab hañgāma-ārā ho to ho
ishq ke daave to jhūTe ho ga.e

nashāt-e-husn ho josh-e-vafā ho yā ġham-e-ishq
hamāre dil meñ jo aa.e vo aarzū ho jaa.e

husn-e-jānāñ ke zikr hī se hai
kuchh ġhazal meñ nayā nayā honā

ham se āzurda hai tabassum-e-dost
isī husn-e-adā kī baat kareñ

zulf o ruḳhsār ke tasavvur meñ
husn o nāz-o-adā kī baat kareñ

ham bhī havā meñ ik gul-e-nau-ḳhez-e-husn ke
barsoñ phire haiñ chaak garebāñ kiye hue

bālā-e-jabīñ ḳhuun jab aayā to araq kyā
ai jalva-gah-e-husn tirī dhuup kaḌī hai

huī sahar ḳhatm par hai mahfil uTho ki 'afsar' uchāT hai dil
na husn meñ ab vo dilkashī hai na zulf meñ ab vo hal rahe haiñ

ajiib barsāt kā samāñ hai nazar ko har vaqt ye gumāñ hai
ki husn añgḌā.ī le rahā hai hasīn kapḌe badal rahe haiñ

ai mirī qaid tamannā ke baḌhāne vaale
ġhair-mahdūd tire husn kī mī.ād nahīñ

ye bhīgī raat ye bhīgā badan ye husn kā aalam
ye sab andāz mil kar do jahāñ ko luuT jā.eñge

mai se ālūda huā dāman-e-husn
muttahim ḳhuun kī tohmat hogī

ġhair kī aag meñ jalne na diyā
husn kī sī kise ġhairat hogī

husn kī naḳhvat ne pahuñchāyā uḌā kar arsh tak
ab to pariyoñ kā bhī tum ko par katarnā aa gayā