Tags-Husn

husn-e-jānāñ kī kashish duniyā meñ baaqī rah ga.ī
bad-nasībī se hamārī uḌ ga.ī tāsīr-e-ishq

vāh-re insāf itnā bhī na vaañ pūchhā gayā
ye qusūr-e-husn hai yā asl meñ tāsīr-e-ishq

dekhne vaale ye kahte haiñ kitāb-e-dahr meñ
tū sarāpā husn kā naqsha hai maiñ tasvīr-e-ishq

kisī kī nazroñ kī narm bārish se jab bhī bhīge badan kī miTTī
sulagtī sāñsoñ ke pairahan par hadīs-e-husn-o-shabāb likhnā

surāhī-e-mai-e-nāb-o-safīna-hā-e-ġhazal
ye harf-e-husn-e-muqaddar likhā hai kis ke liye

ātishīñ husn kyuuñ dikhāte ho
dil hai āshiq kā koh-e-tūr nahīñ

jins-e-vafā kā dahr meñ bāzār gir gayā
jab ishq faiz-e-husn kā hāmil nahīñ rahā

kyuuñ zuleḳhā tirī adālat meñ
husn kī jins aisī sastī thī

yuuñ kho gayā thā husn hujūm-e-nigāh meñ
ahl-e-nazar ko apnī nazar kā patā na thā

jo husn-o-ishq kā ham-vazn imtihāñ Thahrā
vo be-dahan nazar aayā meñ be-zabāñ Thahrā

vo tire husn kā jaadū ho ki merā ġham-e-dil
har musāfir ko kisī ghaaT utar jaanā hai

husn ke jalve nahīñ muhtāj-e-chashm-e-ārzū
sham.a jaltī hai ijāzat le ke parvāne se kyā

tirī āñkhoñ ko tere husn kā dar jaanā thā
ham ne dariyā ko hī dariyā kā safar jaanā thā

zahe-nashāt zahe-husn iztirāb tirā
nazar kī chheḌ se bajtā thā jab rabāb tirā

kuchh is andāz se hai husn pashīmān-e-jafā
koī māyūs-e-vafā dekhe to pyaar aa jaa.e

ġham husn-e-mukammal thā dil hairat-e-kāmil thā
tasvīr kā ā.īna tasvīr ke qābil thā

le ga.ī dil ko kisī kī ik nigāh-e-avvalīñ
maiñ kisī ke husn par yak-bārgī shaidā huā

ḳhatm ho jaate jo husn o ishq ke naaz o adā
shā.erī bhī ḳhatm ho jaatī nubuvvat kī tarah

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ