Tags-Husn

dāman-e-husn se kuchh aur sulag uThtī hai
ishq kī aañkh meñ shabnam bhī sharārā to nahīñ

merā fan merī ġhazal terā ishārā to nahīñ
husn terā isī parde meñ ḳhud-ārā to nahīñ

dīvāna jo na ishq se ho aadmī nahīñ
husn-e-parī kā jalva tilism-e-jahāñ meñ hai

aarif hai vo jo husn kā juuyā jahāñ meñ hai
bāhar nahīñ hai yūsuf isī kārvāñ meñ hai

bahār kyā ab ḳhizāñ bhī dekhe ġhurūr-e-husn-e-suḳhanvarī meñ
jo āsmānoñ meñ jā basā thā zamīñ ke qadmoñ meñ aa gayā hai

haañ vo milne ā.eñge rahm bhī kuchh farmā.eñge
husn magar chuTkī legā phir qātil ban jā.eñge

qafas ke paar kī duniyā kā husn khilne lagā
rihā hue to rihā.ī samajh meñ aane lagī

bahr-e-sarashk dīda-e-dil meñ hai maujzan
dekho tilism-e-husn ki dariyā kañval meñ hai

kitnā ġhurūr hai tumheñ husn-o-jamāl par
go yād-e-yār-e-husn tumhāre amal meñ hai

lapkā paḌā hai husn-parastī kā kis qadar
jab dekhiye 'qalaq' ko farañgī-mahal meñ hai

niiñd kī ye imdād hamesha ishq meñ pahuñchānā mujh ko
aañkh na ho tujh husn se ḳhālī ḳhvāb na ho nākām mirā

husn-e-ta.alluqāt kī jo yādgār the
maazī se aise lamhoñ kī ra.anā.ī maañg lo

ye ahd-e-javānī shoḳhī-e-gul do din kī bahāreñ hotī haiñ
dekheñ to kabhī vo rañg-e-ḳhizāñ jo husn pe nāzāñ hote haiñ

galī meñ ishq kī chalā to husn kā fusūñ chalā
fareb khā ke aadmī vahāñ se sar-nigūñ chalā

sarhad-e-ishq se aage na baḌhī vahshat-e-ishq
husn-e-hushyār ko dīvāna banāyā na gayā

qismat kā thā mazāq ki ik husn-e-ittifāq
aa.ī hamārī yaad jab ham ḳhaak ho ga.e

ik taaza taġhayyur hai tahzīb kī duniyā meñ
yā husn-e-haqīqī ko andāz-e-ḳhirām aayā

husn-e-fānī par ham apnā dil fidā karte rahe
ab pashemāñ haiñ ki saarī umr kyā karte haiñ

sunā hai husn ko dah-chand kar detā hai ye shīsha
lagā kar apne dil meñ aap kī tasvīr dekheñge

husn-e-bāzār to hai garmī-e-bāzār nahīñ
bechne vaale haiñ sab koī ḳharīdār nahīñ