Tags-Husn

jān-e-man ma.arifat us husn kī āsān nahīñ
daad kyā chāhte ho tum kisī begāne se

ye tilism-e-husn-e-ḳhayāl hai ki fareb tere dayār ke
sar-e-bām jaise abhī abhī koī chhup gayā hai pukār ke

husn hai ik fitnagar us ne vahīñ
jis ko chāhā us ko rusvā kar diyā

barq agar garmi-e-raftār meñ achchhī hai 'amīr'
garmi-e-husn meñ vo barq-jamāl achchhā hai

ulajh ke rah ga.ī har taan se navā-e-sarosh
tilism TuuT gayā husn-e-naġhma-pairā kā

koī na chāhne vaalā thā husn-e-rusvā kā
dayār-e-ġham meñ rahā dil ko paas duniyā kā

zarf-e-ā.īna kahāñ aur tirā husn kahāñ
ham tire chehre se ā.īna sañvārā karte

hama nūr-o-surūr kī duniyā
hama husn-o-shabāb kā aalam

husn-e-kāfir-shabāb kā aalam
sar se pā tak sharāb kā aalam

jab koī use dekhe bas dekhtā rah jaa.e
ye husn kī ḳhūbī hai ye husn kī yaktā.ī

husn ke haq se koī ohda-bar-ā kyā hogā
ishq kā haq bhī adā ham se kahāñ hotā hai

hai daulat-e-husn paas tere
detā nahīñ kyuuñ zakāt us kī

jahān-e-ārzū meñ husn kā bhī naam ho jaa.e
maza aa jaa.e vo gul bhī agar ho 'ḳhār' ke sadqe

barhamī husn ko kuchh aur jilā detī hai
vo jamālī terā chehra vo jalālī āñkheñ

ik ek lafz alāmat hai husn-e-fitrat kī
ye shā.irī hai so is kī jamāliyāt samajh

vajūd-e-charḳh-e-kuhan se pahle qayām-e-dar-o-rasan se pahle
hamīñ the tere chaman kī zīnat bahār-e-husn-e-chaman se pahle

gulshan-e-husn-e-yār meñ karte haiñ jo talāsh-e-kaif-o-sukūñ
laakh hai barham nazm-e-do-ālam zulf meñ nik.hat aaj bhī hai

har taraf se ye sadā aatī hai mulk-e-husn meñ
ye vo duniyā hai jahāñ rasm-e-vafādārī nahīñ

har qadam par bāġh-e-ālam meñ bichhā hai dām-e-husn
kaun aisā hai jise zauq-e-giraftārī nahīñ

taḌap taḌap ke guzāro shab-e-firāq apnī
ye nāz-e-husn hai 'shā.ir' ise jafā na kaho