Tags-Husn

dil arsh-gāh-e-husn hai dil jalva-gāh-e-nāz
ye aap hī kā ghar hai hamārī guzar kahāñ

nahīñ hai koī bhī sarhad mire junūñ aage
jahān-e-husn-e-jahāñ hai tire jamāl ke paas

ham se qaa.em hai husn kī duniyā
ishq hai husn-e-zindagī ke liye

husn-e-yūsuf pe jis kī nigāheñ paḌīñ
misr meñ koī bhī pārsā na rahā

na mahrūm rakh mujh ko husn-e-qubūl
rahe kuchh to dast-e-duā kā lihāz

vo husn ke gulshan meñ maġhrūr na ho kyūñ-kar
baḌhtī huī Daalī hai uThtī huī koñpal hai

ubhrā huā vo siina aur josh bharā joban
ek naaz kā dariyā hai ik husn kā bādal hai

mirī jaañ ab bhī apnā husn vāpas pher de mujh ko
abhī tak dil meñ tere ishq kī qindīl raushan hai

har ek dar pe hai gardish meñ merā kāsa-e-chashm
vo shāh-e-husn huā ye gadā mohabbat kā

ye shahr-e-gul-badnāñ sair-gāh-e-husn-e-tamām
kahīñ hai nahr kahīñ ābshār-e-nik.hat-e-gul

kise ḳhabar hai ki 'bāqar' fidā-e-husn-e-bahār
yahīñ kahīñ hai ġharīb-e-dayār-e-nik.hat-e-gul

har numūd-e-ishq meñ soz-e-nihāñ samjhā thā meñ
shāhkār-e-husn ko ātash-bajāñ samjhā thā maiñ

us meñ bhī kuchh raaz hai varna dayār-e-husn meñ
dard-mandoñ kā koī ġham-ḳhvār pahle to na thā

misr kī galiyāñ utar aa.ī haiñ apne shahr meñ
husn vāloñ kā ye hāl-e-zār pahle to na thā

merī har ik nazar ne sajda kiyā
raunaq-e-husn-o-jān-e-rū-e-nigār

maqsad-e-husn hai kyā chashm-e-basīrat ke sivā
vaj.h-e-taḳhlīq-e-bashar kyā hai mohabbat ke sivā

jo tarāshe fikr ne aa.ine tirā aks husn-e-nazar banā
jinheñ tujh se kuchh bhī lagāo thā vo ḳhayāl sher meñ Dhal ga.e

aa.ine meñ jo dekh rahe haiñ
ye bhī hamārā husn-e-nazar hai

fasīl-e-shahr pe raushan agar hoñ husn kī sham.eñ
to ik ik lafz 'shāhid' raushnī kā isti.āra ho