Tags-Husn

nisbat-e-husn mirā TaaT kā arzāñ sā badan
tere paivand se kamḳhāb dikhā.ī detā

sau hijāboñ meñ be-hijāb hai husn
sau libāsoñ meñ be-libāsī hai

bisāt-e-imkān par taġhayyur kā husn mohre badal rahā hai
charāġh-e-hairat kī lau meñ zinda haiñ raqs karte hue zamāne

ro.ab-e-husn ādāb-e-ishq un kī hayā kā ehtirām
uTh ga.ī chilman to ab pardā hī pardā rah gayā

ik sarāpā nāz-e-tanhā.ī mazār-e-āshiqāñ
haa.e vo aalam ki jab ḳhud husn tanhā rah gayā

ishq kī rusvā.iyāñ vo husn kī bad-nāmiyāñ
ham bhulā baiThe magar duniyā meñ charchā rah gayā

kitne pur-haul añdheroñ se guzar kar ai dost
ham tire husn kī raḳhshanda sahar tak pahuñche

ajiib husn hai un surḳh surḳh gāloñ meñ
mai-e-do-ātisha bhar dī hai do piyāloñ meñ

ab fann-e-shā.irī meñ taġhazzul kahāñ bachā
ya.anī ġhazal ke husn ko jiddat nigal ga.ī

aap bhī us husn ko ab phuul kahiye
dekhiye nāzuk badan sab phuul kahiye

husn kā sheva-e-paimāñ-shikanī achchhā hai
phir bhī har saañs ko chashm-e-nigarāñ kahtā huuñ

nahā ke nahr se 'sālim' parī vo kyā niklī
ki tāb-e-husn se ḳhud astabāġh jalne lage

husn-bīnī ke bhī ādāb huā karte haiñ
us ke chehre kī taraf itnī jasārat se na dekh

jis ke ki ho naqāb se bāhar shuā-e-husn
vo rū-e-āftāb ḳhajil kab nihāñ rahe

ab junūñ kī sarhadoñ se aa milā hai josh-e-ishq
kuchh samajh kar ab nigāh-e-husn barham kījiye

jaane kis aalam kī hasrat meñ haiñ nazreñ muztarib
varna kyā nazzāra-e-husn-e-do-ālam kījiye

husn kī jānib nigāh-e-shauq yā kam kījiye
yā nigāh-e-shauq ko ik ahd-e-mohkam kījiye

tā-kujā āvāra-e-nazzāra chashm-e-husn-e-dost
jam.a ik markaz pe kyuuñ kar husn-e-ālam kījiye

haiñ nigāhoñ kī hadoñ se duur abhī bebākiyāñ
shoḳh chitvan se ġhurūr-e-husn ko kam kījiye

husn vāloñ ke vāste kar de
ai ḳhudā tū hijāb kī bārish