Tags-Husn

sirf husn
haañ. sirf husn najāt-dahindā hai

ye kaif-e-husn ye barq-e-nigāh kyā kahnā
lagā de aag na us dāman-e-sahāb kī aañch

sabt hai āstāñ pe naqsh-e-sujūd
husn-e-taqdīr jab.ha-sā.ī hai

ehtirām-e-husn kahiye yā use rob-e-jamāl
un kā parde se nikalnā thā ki maiñ behosh thā

hijr kī be-tābiyāñ thiiñ hasratoñ kā josh thā
husn kā āġhosh phir bhī husn kā āġhosh thā

lab par lachak rahī hai lipstick ḳhulūs kī
make-up ke bojh se hai pareshān husn-e-zan

tū na ghabrā ki tire husn kī mish.al le kar
tere hamrāh kabhī tere bichhaune ke qarīb

sab kā.enāt-e-husn kā hāsil liye hue
baiThā huuñ dil meñ ishq kī mahfil liye hue

ishq ko farsh bhī kāñToñ kā gavārā hai magar
husn har haal meñ ek ā.īna-ḳhāna chāhe

husn barham ki manāne ko hai sadiyāñ darkār
roz ik tark-e-ta.alluq kā bahāna chāhe

mah ne ai shahsavār-e-arsa-e-husn
āqibat dī tirī rikāb meñ jaan

ḳhūbī-e-husn ne tirī na rakhī
baaqī ik zarra shaiḳh o shaab meñ jaan

aap ke dam se 'shāz' kā fan hai husn-e-bayāñ hai rañg-e-suḳhan hai
naam hamārā chal niklā hai sāhab-e-dīvāñ aap hue

taqsīr kyā hai hasrat-e-dīdār hī to hai
pādāsh us kī husn kā pindār hī to hai

juz fareb-e-husn aur ulfat ko 'sāqib' kyā kahūñ
zindagī se shai kabhī us par bhī dil maa.il na thā

ḳhūbī o shān-e-dilbarī ġhamza-o-nāz hī nahīñ
husn meñ vo adā bhī hai jis kā nahīñ hai koī kaam

ġharaz vo din ki naġhma-zan masarratoñ kā saaz thā
ġharaz vo din ki husn jab mirā nazar-navāz thā

ārā.ish-e-husn ā.īna-ruḳh karte ho har dam
lenā hai magar dam tumheñ manzūr kisī kā

husn ke naaz uThāne ke sivā
ham se aur husn-e-amal kyā hogā

tumhāre husn ke tufail ḳhizr-e-shahr-e-raz ko bhī
'salām' aise shā.iroñ kī kaj-ravī qubūl ho