Tags-Ilm

sachchā.ī kā alam tū uThātā to hai magar
kaTte haiñ is jihād meñ baazū bhī dekh le

ilm ḳhāliq kā ḳhazāna hai miyān-e-kāf-o-nūn
ek kun kahne se ye kaun-o-makāñ paidā hue

haiñ chaah meñ iqrā kī is ilm-e-do-ālam meñ
har qatra samundar ho aao ye duā māñgeñ

fahm na thā ilm se kuchh arabī ke use
fārsī meñ haañ magar samjhe thā kuchh iin o aañ

ilm kā dam bharnā chhoḌo bhī aur amal ko bhuul bhī jaao
ā.īna-ḳhāne meñ ho sāhib fikr karo hairānī kī

kis se pūchhūñ tire aaqā kā pata ai rahvār
ye alam vo hai na ab tak kisī shāne se uThā

pahuñchegā faiz jis se zamāne ko ai 'guhar'
ilm-o-hunar kī maiñ vo ghaTā chhoḌ jā.ūñgā

ye naam o numūd kī ḳhvāhish kyā ye ilm o fan kī numā.ish kyā
apnā to aqīda hai ye 'sahar' meyār nahīñ to kuchh bhī nahīñ

ye kyā ki saarī umr ba-tarz-e-janābe-shaiḳh
pagḌī se apnī ilm kā turra nikāliye

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

hairāñ zamīñ ke nuur se hai charḳh-e-lājvard
mānind-e-kahrubā hai ruḳh-e-āftāb-e-zard

ilm-o-aql-o-nām-o-jāh-o-zor-o-zar sab hech ishq
ho ke sab kuchh bhī nahīñ kuchh aadmī tere baġhair

dil-e-āgāh pashemāñ hai ye ma.alūm huā
ilm ḳhud jahl kā irfāñ hai ye ma.alūm huā

is tā.ife meñ ek kamī hai to aap kī
ai dushmanān-e-ilm-o-hunar raqs kījiye

ai ishq ye sab duniyā vaale be-kār kī bāteñ karte haiñ
paa.el ke ġhamoñ kā ilm nahīñ jhankār kī bāteñ karte haiñ

jahāñ se ilm kā ham ko ġhurūr hotā hai
vahīñ se hotī hai bas ibtidā jahālat kī

ai ashk-e-ravāñ saath le ab āh-e-jigar ko
āshiq kahīñ be-fauj-o-alam uTh nahīñ saktā

aao parkheñ diin ke auhām ko
ilm-e-maujūdāt kī bāteñ kareñ

baat aur bevhār hī se jaan sakte haiñ ise
ilm kī imlā likhī jaatī nahīñ poshāk par

raat tanhā.ī ta.āqub meñ musalsal koī chaap
aur jab ilm ho aage ye galī band bhī hai