Tags-Ilm

na ilm hai na zabāñ hai to kis liye 'mahrūm'
tum apne aap ko shā.ir ḳhayāl kar baiThe

bachche javān ho ga.e nā-tāqatī ke saath
kab bāzuoñ meñ zor-e-alamdār aa.egā

'mubīñ' 'yaktā' 'qamar' 'aḳhlāq' 'shauq' aur 'shākir'-o-'ġhāfil'
'munīr'-o-'shams' sab haiñ ilm-o-fan ke dost-dāroñ meñ

ġharaz 'kaifī'-o-'shā.ir' 'sā.il'-o-'beḳhud' 'hasan' 'shaidā'
alam haiñ arsa-e-ilm-o-adab ke shahsavāroñ meñ

nishāñ ilm-o-adab kā ab bhī hai ujḌe dayāroñ meñ
ki 'sālim' aur 'muztar' haiñ purānī yādgāroñ meñ

'firāq' aur 'mīr' 'nāsir' aur 'sirī-rām' ab kahāñ 'sāhir'
ki the ilm-o-adab ke behtarīñ ḳhidmat-guzāroñ meñ

zabān-e-ilm par taale paḌe haiñ
ba-zo.am-e-ḳhud jahālat boltī hai

ilm suulī pe chaḌhā tab kahīñ taḳhmīna banā
zahr sadiyoñ ne piyā tab kahīñ naushīna banā

abhī na ilm ho us ko lahū kī lazzat kā
ye raaz us se bahut der tak chhupā rakhnā