Tags-Insaan

mire hālāt mujh ko chhū na paa.eñ
mujhe har haal meñ insān rakhnā

nahīñ lā saktā har ik kohkan farhād kī qismat
ḳhudā baḳhshe baḌā insān guzrā chhoTī ummat meñ

bhaTak na jaa.e ye insān aaj rāhoñ meñ
nishān-e-manzil-e-maqsūd ustuvār kareñ

mere ahbāb ne tahzīb na sīkhī hogī
mere māhaul meñ insān na rahte hoñge

mere ahbāb ne tahzīb na sīkhī hogī
maiñ jahāñ huuñ vahāñ insān na rahte hoñge

maiñ ne chāhā thā ki insān kī azmat ke liye
ek mazlūm javānī ko sahārā de duuñ

buland o past kī us ke kuchh intihā hī nahīñ
ajiib chiiz hai insān bhī haqīqat meñ

insān kī jo baat samajh meñ na aa sakī
insāñ ne us kā haq kī razā naam rakh diyā

qadr insān kī ghaT ghaT ke yahāñ tak pahuñchī
ab to qīmat meñ ri.āyat bhī nahīñ kar sakte

hai dhokā denā apne aap ko bas
kisī insān ko be-par samajhnā

insān kī takmīl hai rah jaanā adhūrā
kuchh kaam adhūre maiñ tabhī chhoḌ rahā huuñ

jin se insān ke zaḳhmoñ kā mudāvā na huā
aaj vo chāñd sitāroñ kī ḳhabar laa.e haiñ

hameñ bhī apne achchhe din abhī tak yaad haiñ 'rānā'
har ik insān ko apnā zamāna yaad rahtā hai

vo bhī dhartī pe utārī huī maḳhlūq hī hai
jis kā kaaTā huā insān na paanī māñge

insān kī duniyā meñ insāñ hai pareshāñ kyuuñ
machhlī to nahīñ hotī bechain kabhī jal meñ

agar hai insān kā muqaddar ḳhud apnī miTTī kā rizq honā
to phir zamīñ par ye āsmāñ kā vajūd kis qahr ke liye hai

na batāo ki tabassum bhī hai ik zaḳhm kā naam
chaak hai kis liye insān kā siina na kaho

zindagī miltī hai insān ko jiine ke liye
muskurāte raho sadmāt se Darte kyuuñ ho

Thokareñ khā ke hī insān banā kartā hai
zindagī ishq meñ ho jā.egī yuuñ ḳhvār ġhalat