Tags-Ishq

ishq-e-mahshar-ārā kī tuur par girī bijlī
husn-e-lan-tarānī ki rah sakā na chādar meñ

laḌ ga.ī un se nazar khiñch ga.e abrū un ke
ma.arke ishq ke ab tīr-o-kamāñ tak pahuñche

vo jo dāġh-e-ishq thā ḳhush-numā jo amānat-e-dil-e-zār thā
sar-e-bazm thā to charāġh thā sar-e-rāh thā to ġhubār thā

ḳhushk o tar phūñktī phirtī hai sadā ātish-e-ishq
bachiyo is aañch se ai piir o javāñ sunte ho

teġh-e-sitam kabhī hai to sañg-e-jafā kabhī
ya.anī nasīb-e-ishq vahī hai jo thā kabhī

badnām ho ke ishq meñ ham surḳh-rū hue
achchhā huā ki naam gayā nañg rah gayā

qais o lailā bhī to karte the mohabbat lekin
ishq-bāzī ke liye dasht ko apnāte the

vo tark-e-ishq kā thā rāsta chalā gayā maiñ
bilā-irāda hī jis par chalā chalā gayā maiñ

phir us ke ba.ad kahāñ thā mujhe nahīñ ma.alūm
faqīr-e-ishq se le kar duā chalā gayā maiñ

kal kisī ishq ke bīmār pe dam karnā thā
pīr-e-kāmil ko ġhazal merī sunānī paḌī thī

kūcha-e-ishq se nākām palaTne vaale
tū ne dekhā thā vahāñ merī javānī paḌī thī

use samajhte haiñ jo haiñ ġhāzī ki sar kaTānā hai sarfarāzī
karegā kyā koī ishq-bāzī meñ jaan bad ke bidhār aayā

zahīn laḌkī hai vo jis ke ishq meñ ham haiñ
banā diyā hai hameñ bhī bahut zahīn us ne

ibtidā-e-ishq-e-gesū meñ na thiiñ ye uljhaneñ
baḌhte baḌhte baḌh ga.ī āḳhir pareshānī mirī

aur tū vāqif nahīñ koī dayār-e-ishq meñ
hai junūñ shaidā mirā vahshat hai dīvānī mirī

ai dil ab ishq kī lai-goī aur chaugān meñ aa
be-ḳhatar Thok ke ḳham jañg ke sāmān meñ aa

haiñ ishq-e-zulf meñ a.azā bhī dushman
hamārā haath mār-e-āstīñ hai

dil lagā kar aap bhī 'ġhālib' mujhī se ho ga.e
ishq se aate the maane mīrzā sāhab mujhe

ishq ahd-e-bevafā meñ be-navā ho jā.egā
aañkh istanbul siina qartaba ho jā.egā

ishq hāsil bhī aur lā-hāsil
raat raushan bhī aur kaalī hai