Tags-Ishq

kiyā hai ishq ke haadī ne mujh kuuñ
mohabbat kī hidāyat be-nihāyat

ishq karnā hai to chhuTTī nahīñ karnī koī
ishq meñ ek bhī itvār nahīñ hai bhaa.ī

ḳhuld-o-saqar ke biich meñ hai koī ishq-e-yār
hai pul-sirāt kā ye mirī rahguzar javāb

is adā se ishq kā āġhāz honā chāhiye
soz bhī dil meñ ba-qadr-e-sāz honā chāhiye

ishq se be-e'tinā.ī par kabhī ifshā na ho
itnā sanjīda mirā hamrāz honā chāhiye

bas itnī rūdād hai merī
ishq meñ ḳhāna-ḳharāb huā maiñ

bas itnī rūdād hai merī
ishq meñ ḳhāna-ḳharāb huā maiñ

jo chāhiye ishq meñ kiyā vo
ham mar ga.e kahiye marhabā hai

unheñ apnī sūrat pe yuuñ naaz kab thā
mire ishq-e-rusvā ko 'aḳhtar' duā deñ

vasl kā sukūñ kyā hai hijr kā junūñ kyā hai husn kā fusūñ kyā hai ishq kā darūñ kyā hai
tum marīz-e-dānā.ī maslahat ke shaidā.ī rāh-e-gum-rahāñ kyā hai tum na jaan pāoge

har ek bazm meñ charchā hai har zabāñ par zikr
ye kis se mājrā-e-ishq ham sunā baiThe

na sard aa.heñ na shikve na zikr-e-dard-e-firāq
hamāre ishq kā andāz hī nirālā thā

ishq ne tujh ḳhaal ke mujh kuuñ ḳhayālī kiyā
dil kuuñ ḳhayālāt suuñ ġhair ke ḳhālī kiyā

ḳhum-e-joshān-e-ishq-e-be-muhābā huuñ maiñ tab hī to
na shīshe meñ Thahartā huuñ na paimāne meñ rahtā huuñ

ġhair ke saath kabhī zikr hamārā na kareñ
ham ko bad-nām kareñ ishq ko rusvā na kareñ

kārzār-e-ishq-o-sar-mastī meñ nusrat-yāb hoñ
vo junūnī daar tak jaane ko jo betāb huuñ

yak-rañg huuñ maiñ us gul-e-ra.anā ke ishq meñ
bulbul na huuñ ki DhūñDūñ gulsitān dūsrā

ye kār-e-ishq thā 'ashfāq' mujh se ho nahīñ paayā
mujhe bhī shā.irī meñ sāhib-e-ejāz honā thā

ishq is se hī thā huā ehsās
ho gayā jab vo mujh se duur itnā

kuchh ajab ye bārgāh-e-ishq kā dastūr hai
jitnā jo muḳhtār hai utnā hī vo majbūr hai