Tags-Ishq

yahāñ jo ishq hai betāb-e-jalva-e-dīdār
vahāñ bhī husn muharrik hai ḳhud-numā.ī kā

sivā.e ishq nahīñ koī rahbar-e-chālāk
vahāñ ḳhirad ko nahīñ hausla rasā.ī kā

maiñ khul kar kah nahīñ saktā niyāz-e-ishq kī bāteñ
faqat un kī taraf bas ik ishārā kar rahā huuñ maiñ

jo ishq kī manzil ke haiñ ahl-e-kamāl un kā
hai shukr-o-shikāyat meñ nuqsān mirā sāhab

ham ishq kī daulat se ik kunj-e-qanā.at meñ
karte haiñ faqīrāna guzrān mirā sāhab

kyā husn ke andāz-e-taġhāful kī shikāyat
paimān-e-vafā ishq kā jab aur hī kuchh hai

kaise vo talḳh-tar haiñ mire shor-e-ishq se
qismat se apnā chāhne meñ bhī mazā nahīñ

ye kaisā ishq hai urdu zabāñ kaa,
mazā ghultā hai lafzoñ kā zabāñ par

ye shajar haiñ ki salībeñ sī gaḌī haiñ har sū
manzil-e-ishq vahī sañg-e-nishāñ hai ki jo thā

tū ne ai ishq ye sochā ki tirā kyā hogā
tere sar se maiñ agar haath uThā letā huuñ

ham ahl-e-ishq baḌe vaz.a-dār hote haiñ
hamārī aañkh meñ dekho kahīñ namī to nahīñ

chahār jānib paḌe haiñ purze nigāh-o-dil ke
hamārā is ishq ne kiyā hai kabāḌ aisā

ham jaan se apnī jaate haiñ par dil se ye jaatā hī nahīñ
is ishq kā hove burā 'anjum' kyā is ne Daalā Derā hai

abhī to ishq o nazar ke hazār pahlū the
gale hamāre kahāñ se ġham-e-zamāna paḌā

kisī ke hisse meñ aa.ī ḳhirad kī saffākī
kisī ke haath ġham-e-ishq kā ḳhazāna paḌā

husn kyā shai hai faqat zauq-e-nazar kī taskīn
ishq kyā chiiz hai taḳhlīq hai armānoñ kī

huā hai ishq taaza ibtidā.ī aah hotī hai
mubārak tifl-e-dil kī aaj bismillāh hotī hai

milā jab dirham-e-dāġh-e-junūñ ghabrā ke dil bolā
yahī kyā ishq kī sarkār meñ tanḳhvāh hotī hai

faqat tumhīñ ko nahīñ ishq meñ ye dar-badarī
tumhārī chaah meñ gard-o-ġhubār ham bhī haiñ

majāzī ho ki haqīqī sarīh ishq kā naam
latīf tohfa piyārā ajiib naam uruus