Tags-Ishq

ham ko barā-e-duniyā be-jān kar diyā hai
kyā ishq tū ne jiinā āsān kar diyā hai

tum soch meñ paḌe ho to sochte raho tum
ham ne to ishq apnā elaan kar diyā hai

behosh paḌe haiñ ishq meñ aur sar hai kisī ke zaanū par
tadbīreñ laakh kare koī ab hosh meñ ham kab aate haiñ

vasl aayā thā tire hijr kā saudā karne
ishq kī ham ne magar pahlī kamā.ī nahīñ dī

ta.ayyun ġham-e-ishq kā chāhtā huuñ
unheñ chāhtā huuñ ye kyā chāhtā huuñ

roz milne pe bhī lagtā thā ki jug biit ga.e
ishq meñ vaqt kā ehsās nahīñ rahtā hai

nahīñ ishq jis dū baḌā koḌ hai
kadhīñ us se mil be-siyā jaa.e nā

mujh dard-mañd-e-ishq kī tadbīr hai abas
hogā na mere dard ko darmāñ se irtibāt

banda huuñ ishq kā nahīñ maz.hab se mujh ko kaam
kyūñkar karūñ maiñ gabrū musalmāñ se irtibāt

maz.hab hai merā ishq aur rindī hai merā kaam
hai kufr se na mujh ko na īmāñ se irtibāt

jism aur ishq ke havāle se
maiñ tirī ruuh meñ utar jā.ūñ

asrār-e-ishq hai dil-e-muztar liye hue
qatra hai be-qarār samundar liye hue

'asġhar' harīm-e-ishq meñ hastī hī jurm hai
rakhnā kabhī na paañv yahāñ sar liye hue

pairāhan baaqī hai mere jism pe ab bhī ujlā sā
shāyad ishq mukammal nāzil honā ab bhī baaqī hai

maiñ ne ḳhud pe mantar paḌh ke phūñkā taaki ishq na ho
lekin us kī niilī āñkheñ dekh ke mantar chauñk paḌā

ġhalba-e-ishq ne 'hātim' ko pachhāḌā āḳhir
zor meñ apne vo itnā bhī to maġhlūb na thā

yād-e-ayyāme ki thā zoroñ pe jazb-e-husn-o-ishq
vo mire dil kā taḌapnā be-qarārī aap kī

ab vo sitam kareñ ki karam ham ko kyā ġharaz
dil un ko de ke ishq bahut be-niyāz hai

ishq āsān kahāñ umr guzar jaatī hai
apnī jānib kisī ġhāfil kī nazar karne meñ

miTTī ho kar ishq kiyā hai ik dariyā kī ravānī se
dīvār-o-dar maañg rahā huuñ maiñ bhī bahte paanī se