Tags-Ishq

lutf-o-sitam vafā jafā yās-o-umīd qurb-o-bod
ishq kī umr kaT ga.ī chand tavahhumāt meñ

hai hukm-e-ām ishq alaihis-salām kā
puujo butoñ ko bhed kuchh in meñ ḳhudā ke haiñ

nahīñ ishq meñ is kā to ranj hameñ ki qarār o shakeb zarā na rahā
ġham-e-ishq to apnā rafīq rahā koī aur balā se rahā na rahā

ye aarzū hai badal jaa.e rasm-e-shahr-e-vafā
udaas husn na ho ishq sar-garāñ na rahe

ishq jo me.arāj kā ik ziina hai
ye hamārā maz.hab-e-pārīna hai

sar-ba-mohr-e-dāġh karte haiñ 'azīz'
dil hamārā ishq kā ganjīna hai

jab señ tujh ishq kī garmī kā asar hai man meñ
tab señ phirtā huuñ udāsī ho birah ke ban meñ

machal gayā jo dil-e-nā-tavāñ to kyā hogā
uThā na ishq kā bār-e-girāñ to kyā hogā

ham bandagān-e-ishq kā maslak nirālā hai
kāfir kī is meñ vaz.a na dīñ-dār kī tarah

ḳhvāhish-e-ishq kī takmīl kahāñ hotī hai
garche vo shoḳh nahīñ shoḳh-numā hai to sahī

ishq-vishiq ye chāhat-vāhat man kā bhulāvā phir man bhī apnā kyā
yaar ye kaisā rishta jo apnoñ ko ġhair kare maulā ḳhair kare

ishq meñ soch samajh kar nahīñ chalte sā.īñ
jis taraf us ne bulāyā thā udhar jaanā thā

jān-levā sahī jarāhat-e-ishq
aql kā zaḳhm hai bahut kaarī

dil ishq meñ be-pāyāñ saudā ho to aisā ho
dariyā ho to aisā ho sahrā ho to aisā ho

ilāhī ek ġham-e-rozgār kyā kam thā
ki ishq bhej diyā jān-e-mubtalā ke liye

vaqt ke har ik naqsh kā ma.anī itnā badlā badlā hogā
mere vahm-o-gumān meñ kab thā ishq kā manzar aisā hogā

vo zindagī ho ki duniyā 'farāz' kyā kiije
ki jis se ishq karo bevafā nikaltī hai

na to ḳhauf roz-e-jazā kā ho vahī ishq hai
na malāl radd-e-duā kā ho vahī ishq hai

maiñ huuñ ā.īna tirā aks hai merī ruuh meñ
koī dā.era na anā kā ho vahī ishq hai

nahīñ aarzū mirī aarzū ko sune ḳhudā
asar aarzū meñ balā kā ho vahī ishq hai